Allu Arjun: अल्लू अर्जुन त्याच्या सहा वर्षाच्या मुलीला योगा करताना पाहून झाला आश्चर्यचकित

साऊथ इंडस्ट्रीचा सुपरस्टार अल्लू अर्जुन त्याच्या कामासोबतच त्याच्या कुटुंबाला देखील वेळ देतो. एक उत्तम अभिनेता असण्यासोबतच अल्लू अर्जुन एक चांगला पती आणि वडील देखील आहे.

तो अनेकदा आपल्या कुटुंबासोबतचे फोटो आणि व्हिडिओ शेअर करत असतो. नुकताच फॅमिलीसोबत व्हेकेशनवर दिसला होता. त्याचवेळी त्याचा आणखी एक फोटो समोर आला आहे, ज्यामध्ये तो आपल्या मुलीला योगा करताना पाहून आश्चर्यचकित झालेला दिसत आहे.

साऊथचा सुपरस्टार अल्लू अर्जुनने त्याच्या इन्स्टा स्टोरीवर आपल्या मुलीसोबतचा फोटो शेअर केला आहे, ज्यामध्ये त्याची लाडकी अल्लू अरहा योगा करताना दिसत आहे. आपल्या 6 वर्षांच्या मुलीला हे करताना पाहून अल्लूला खूप आश्चर्य वाटत आहे.

अभिनेत्याची मुलगीही अभिनय क्षेत्रात पदार्पण करणार आहे. अशा परिस्थितीत अल्लू स्वतः तिला पडद्यावर पाहण्यासाठी खूप उत्सुक आहे. अरहाला रुपेरी पडद्यावर पाहणे हा तिच्या कुटुंबासाठीही खूप खास क्षण असेल.

मीडिया रिपोर्ट्सनुसार, अभिनेता याबद्दल म्हणाला होता - मला स्वतःला माहित नाही की अरहाला ऑनस्क्रीन पाहून मला कसे वाटेल. अरहा अल्लू अर्जुनच्या कुटुंबातील चौथी पिढी आहे जी फिल्मी दुनियेत पाऊल ठेवणार आहे.

अभिनेत्री सामंथा रुथ प्रभूच्या शाकुंतलम या चित्रपटातून बालकलाकार म्हणून पदार्पण करणार आहे. पुढील महिन्यात 14 एप्रिल रोजी हा चित्रपट चित्रपटगृहात प्रदर्शित होत आहे. या चित्रपटात सामंथाशिवाय माधो, देव मोहन, अनन्या नागला आणि कबीर दुहान सिंग दिसणार आहेत.

सध्या अभिनेता त्याच्या आगामी 'पुष्पा २' या चित्रपटामुळे चर्चेत आहे. या चित्रपटाच्या सिक्वेलवरही निर्माते मनापासून काम करत आहेत. अल्लू अर्जुनच्या वाढदिवसानिमित्त (८ एप्रिल) पुष्पा २ चा टीझर प्रदर्शित होणार आहे. मीडिया रिपोर्ट्समध्ये असा दावाही केला जात आहे की, 'पुष्पा 2' मध्ये साई पल्लवी महत्त्वपूर्ण भूमिकेत दिसणार आहे.