मुंबई- सुशांत सिंह राजपूतच्या मृत्युला अनेक दिवस लोटले आहेत. या प्रकरणाचा तपास मुंबई पोलिस आणि बिहार पोलिस करत आहेत. मात्र आता हे प्रकरण सीबीआयच्या हाती सोपवण्यात आलं आहे. या दरम्यान सोशल मिडियावर अभिनेता सूरज पांचोली आणि सुशांतची एक्स मॅनेजर दिशा सालियनचा एक फोटो व्हायरल होत आहे. मात्र या व्हायरल फोटोमागचं सत्य काही वेगळंच आहे.
या व्हायरल फोटोमधून असा दावा केला जात होता की सूरज दिशा आणि सुशांत या दोघांचा मित्र होता मात्र दोघांशीही त्याचं चांगलं नव्हतं. आता सूरज पांचोलीने एक पोस्ट लिहून या फोटोचं सत्य सगळ्यांसमोर उघडकीस आणलं आहे. सूरजने लिहिलंय, 'पूर्णपणे चूकीची बातमी. ही तीच प्रसिद्धी माध्यमं आहेत का की ज्यांच्यावर विश्वास ठेवण्यास सांगितलं जातं. हा फोटो २०१६ सालचा आहे. या फोटोमध्ये दिसणारी मुलगी दिशा नाही तर माझी मैत्रीण अनुश्री गौर आहे. जी इथे भारतात राहत देखील नाही.'
सूरजने पुढे लिहिलंय, मा कधी दिशाला भेटलो देखील नाही. लोकांचं ब्रेनवॉश करणं बंद करा आणि माझं नाव या प्रकरणात गोवण्याचा प्रयत्न करु नका. मला त्रास देऊ नका. तुम्ही तुमच्या कामाप्रती जबाबदारीने वागा कारण यामुळे एखाद्याच्या आयुष्य उद्ध्वस्त होऊ शकतं. सूरजने लिहिलंय की त्याने याआधी याबाबत खुलासा केला होता की, मी दिशा सालीयन या मुलीला माझ्या आयुष्यात कधी भेटलो नाही आणि कधी तिच्याशी बोललो देखील नाही. तुमच्या फेक न्यूजचा वैताग आला आहे. असं म्हणत संताप व्यक्त केला आहे.
sooraj pancholi viral pic with disha salian now actor reveals photo truth
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.