The Archies: चला नेपो बेबीजला लॉन्च करण्याची वेळ झाली!, 'द आर्चीज'चे नवीन पोस्टर येताच..ट्रोलिंग सुरु...

झोया अख्तरचा आगामी नेटफ्लिक्सवर प्रदर्शित होणारा 'द आर्चिज' सिनेमाचा टिझर आणि पोस्टर रिलीज झाल्यापासूनच हा चित्रपट चर्चेत आहे. त्याच कारणा आहे या चित्रपटातील कलाकार.

या सिनेमातील सुहाना खान(Suhana Khan),खुशी कपूर(Khushi Kapoor),अगस्त्य नंदा यांच्यासोबत इतर स्टार किड्स यांच्या भुमिका आहेत.

गेल्या अनेक वर्षांपासून स्टार किड्सच्या इंडस्ट्रीत पदार्पण करत आहेत. त्यात जान्हवी असो किंवा आलिया नाहीतर अनन्या.. अशा परिस्थितीत पुन्हा एकदा अनेक स्टार्सची मुलं आपापल्या अभिनय कारकिर्दीला सुरुवात करणार आहेत.

त्यामुळे आता हा चित्रपट चर्चेत आला आहे. नेटकऱ्यांचा या चित्रपटाला फारसा सकारात्मक प्रतिसाद दिसत नाही असं काहीस चित्र आहे.

गेल्या काही दिवसांपासून नेपोटिझम आणि नोपो किड्स हे नेहमीच ट्रोलरच्या निशाण्यावर असतात. त्यातच आता हे कलाकारही पदार्पण करणार असल्यामुळे नेटकरींनी त्यांना ट्रोल करण्यास सुरवात केली आहे.

हे पोस्टर शाहरुख खानची लाडकी सुहाना खान, जान्हवी कपूरची बहीण खुशी कपूर आणि अमिताभ बच्चन यांची नात अगस्त्य नंदा यांनीही शेअर केले आहे.

सिनेमातील कलाकारांविषयी बोलायचं झालं तर जरी हे स्टार किड्स असले तरी सिनेमातील ते सगळे फ्रेश चेहरे आहेत. कारण त्यांचा हा पहिलाच सिनेमा आहे.

सुहाना,खुशी,अगस्त्य व्यतिरिक्त मिहिर अहूजा,डॉट,वेदांग रैना आणि युवराज मेंडा हे देखील महत्त्वाच्या भूमिकेत दिसणार आहेत. रिलिज डेट समोर आली नसली तरी हा सिनेमा लवकरच प्रदर्शित होणार आहे