Tollywood News: दाक्षिणात्य चित्रपट विश्वातील एक मोठी बातमी समोर आली आहे. ती म्हणजे प्रसिद्ध अभिनेत्री मीना यांचे पती विद्यासागर यांचे निधन झाले (Actress Meena Vidyasagar) आहे. ते गेल्या काही दिवसांपूर्वी फुफ्फुसाच्या आजारानं त्रस्त होते. एका खासगी रुग्णालयात त्यांच्यावर उपचारही सुरु होते. आज पहाटे त्यांची प्राणज्योत मालवली. विद्यासागर यांनी कोरोनाची लागण झाली होती. उपचारा दरम्यान त्यांची प्रकृती आणखी खालावत गेली होती. साऊथ (Bollywood News) इंडस्ट्रीतील वेगवेगळ्या सेलिब्रेटींनी मीना यांच्या कुटूंबाप्रती सहानुभूती व्यक्त केली आहे.
सोशल मीडियावरुन मीना यांच्या चाहत्यांनी विद्यासागर यांना आदरांजली (Social media viral news) वाहिली आहे. दाक्षिणात्य चित्रपट विश्वामध्ये आपल्या अभिनयामुळे लोकप्रिय झालेल्या मीना यांचा चाहतावर्ग मोठा आहे. सोशल मीडियावर देखील त्या सक्रिय असणाऱ्या सेलिब्रेटी आहेत. पतीचे निधन झाल्यानंतर त्यांच्यावर दु:खाचा डोंगर कोसळला आहे. विद्यासागर यांच्या निधनाची बातमी सर्वप्रथम सरथकुमार यांनी सोशल मीडियावरुन दिली. त्यांनी ट्विट करुन याविषयी माहिती दिली होती.
सुत्रांनी दिलेल्या माहितीवरुन मीना यांचे पती विद्यासागर गेल्या काही महिन्यांपासून फुफ्फुसाच्या आजारानं त्रस्त होते. त्यावर ते उपचारही घेत होते. दिवसेंदिवस त्यांची प्रकृती खालावत चालली होती. मीना या साऊथ इंडस्ट्रीमधील सर्वाधिक मानधन घेणाऱ्या अभिनेत्री आहेत. केवळ तमिळ भाषेतच नव्हे तर त्यांनी वेगवेगळ्या भाषांमध्ये देखील काम केले आहे.
2009 मध्ये मीना यांनी विद्यासागर यांच्याशी विवाह केला. त्यांना अकरा वर्षांची मुलगी आहे. तिचं नाव नैनिका आहे. ती नैनिका देखील सोशल मीडियावर अॅक्टिव्ह असणारी सेलिब्रेटी किड आहे. नैनिकानं बालकलाकार म्हणून विजयच्या थेरीमध्ये भूमिका केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
