Samantha: आजारपणातही संमथा पोहचली ‘यशोदा’च्या प्रमोशनसाठी!

अभिनेत्री समंथा रुथ प्रभू ही दाक्षिणात्य लोकप्रिय अभिनेत्रीपैकी एक आहे. मागील काही दिवसांपासून ती खुप चर्चेत आहे. समंथाला मायोसायटिस या आजारानं ग्रासल्याची बातमी समोर आल्यानंतर तिच्या चाहत्यांना मोठा धक्का बसला होता. यासगळ्यात समंथाचा यशोदा नावाचा चित्रपटही चर्चेत आला आहे. गेल्या बऱ्याच दिवसांपासून या चित्रपटाची चर्चा सुरु आहे.

तिच्या आगामी 'यशोदा' चित्रपटाच्या प्रदर्शनाची तारीख जवळ आली आहे. मात्र संमथाला झालेल्या आजारामुळे ती या चित्रपटाच्या इव्हेंटमध्ये सहभागी होणार नसल्याची चर्चा होती. अशा परिस्थितीत निर्माते चित्रपटाच्या प्रमोशनमध्ये व्यस्त आहेत. पण केवळ निर्माता, दिग्दर्शकच नाही तर खुद्द समंथाही चित्रपटाच्या प्रमोशनमध्ये कोणत्याही प्रकारची कसर सोडणार नसल्याचं दिसत आहे.

आजाराशी झुंज देत असतांनाही संमथा 'यशोदा'च्या प्रमोशनसाठी एका कार्यक्रमात पोहोचल्याचं समजतयं. समंथा रुथ प्रभूने तिच्या आगामी 'यशोदा' चित्रपटाच्या प्रमोशन इव्हेंटसाठी तिचे नवीन फोटो शेअर केले आहेत. आजारपणानंतरही चित्रपटाच्या प्रमोशन इव्हेंटला जाण्यामागे तिचा मित्र राज निदिमोरू याने प्रेरित केल्याचं तिनं म्हंटलय. या फोटोत ती चष्मा घालून काळा पॅन्टसूट परिधान करत पोझ देत आहे, परंतु एकाही चित्रात ती हसतांना दिसत नाही. या फोटोमधुन ती किती अशक्त झालीय तसेच या आजाराचे परिणाम तिच्या चेहऱ्यावर स्पष्टपणे दिसत आहेत.

हेही वाचा: का हवे विचारांचे नियम आणि वास्तविक भान !

 सामंथला इंस्टाग्रामवर फोटो पोस्ट करत लिहिले की, 'माझा चांगला मित्र राज निदिमोरू म्हणतोय, दिवस काहीही असो आणि कितीही खराब गोष्ट असो, शॉवर...शेव...शोअप! हे त्याचं ब्रीदवाक्य आहे. यशोदा चित्रपटाच्या प्रमोशनसाठी मी ते एका दिवसासाठी उधार घेतलं होते. 11 तारखेला भेटू.'

तिचा यशोदा हा चित्रपट हरी-हरीश यांनी लिहिलेला आणि दिग्दर्शित केलेला आगामी भारतीय तेलुगु-भाषेतील सायन्स फिक्शन अॅक्शन थ्रिलर आहे. यात उन्नी मुकुंदन, वरलक्ष्मी सरथकुमार आणि मुरली शर्मा यांच्यासोबत सामंथा मुख्य भूमिकेत आहे. यात सामंथा सरोगेट आईची भूमिका साकारणार आहे