Sonal Pawar Engagement: 'तुला पाहते रे' फेम अभिनेत्रीचा थाटामाटात साखरपुडा, फोटो आणि व्हिडीओ बघा

Sonal Pawar Engagement News: सुबोध भावे - गायत्री दातार यांच्या तुला पाहते रे मालिकेत झळकलेली अभिनेत्री सोनल पवारने काल रविवारी साखरपुडा केलाय.

सोनलच्या साखरपुड्याचे फोटो आणि व्हिडीओ सोशल मीडियावर व्हायरल झाले आहेत. सोनलला सर्व फॅन्सनी साखरपुड्याच्या शुभेच्छा दिल्यात.

गुडघ्यावर बसुन दोघांनी एकमेकांना घातली अंगठी

समीर - सोनल यांच्या साखरपुड्याचे फोटो आणि व्हिडीओ सोशल मीडियावर व्हायरल झाले आहेत. दोघांनीही साखपपुड्यात धम्माल केलेली दिसतेय.

समीर आणि सोनलने एकमेकांना गुडघ्यावर बसुन अंगठी घातली. याशिवाय रोमँटिक अंदाजात दोघांनी साखरपुड्याचं फोटोशुट केलं.

सोनलचा होणार नवरा कोण?

सोनलने समीर पालुष्टेसोबत साखरपुडा केलाय. समीर हा बिझनेसमन आहे. स्पार्कल्स मीडियाचा समीर फाऊंडर आणि सीईओ आहे. याशिवाय समीर डिजीटल मार्केटर आणि ब्रंँड कन्सलटंट म्हणुनही काम करतो.

समीरला भारत सरकारच्या निवडणुक आयोगाकडून पुरस्कार सुद्धा मिळाला आहे. समीर आणि सोनल यांनी साखरपुडा केल्याने त्यांच्या चाहत्यांनी त्यांचं अभिनंदन केलंय. सोनल सध्या रमा - राघव मालिकेत झळकत आहे.