भारती पोरगं महत्वाचं की काम? लगेच कामावर आलीस! नेटकरी संतापले

Entertainment News: प्रख्यात कॉमेडियन भारती सिंग (Bharti Singh) ही आता तिच्या मुलावरुन चर्चेत आली आहे. यापूर्वी प्रेग्नंसीच्या बातमीमुळे ती सोशल (Social media news) मीडियावर लाईमलाईटमध्ये होती. प्रेग्नंसीनंतर दुसऱ्याच दिवशी ती कामावर परतल्यानं तिला नेटकऱ्यांनी ट्रोल करण्यास सुरुवात केली (Viral news) आहे. केवळ तिलाच नाही तर तिच्या पतीला हर्ष लिंबाचियाला देखील नेटकऱ्यांनी चांगलेच सुनावले आहे. काही दिवसांपूर्वी भारतीनं गुड न्युज देत (Harsh Limbachiya) चाहत्यांना दिलासा दिला होता. ती प्रेग्नंट असताना देखील कामावर गेल्याचे फोटो व्हायरल झाले होते. त्यावरुन तिचं जेवढं कौतुक झालं तेवढयाच प्रमाणात तिच्यावर टीकाही झाली. आता भारतीनं पुन्हा सेटवर जाऊन नेटकऱ्यांचा राग ओढावून घेतला आहे.

कपिल शर्माच्या शो (The Kapil Sharma Show) मधून भारतीनं प्रेक्षकांचे निखळ मनोरंजन करण्यास सुरुवात केली. त्यानंतर तिनं कॉमेडी सर्कसमधून आपल्या नावाची वेगळी ओळख तयार करुन आपलं ब्रँण्डिंग केलं. गेल्या काही दिवसांपासून भारती ही चर्चेत आली आहे. त्याचे कारण तिची प्रेग्नंसी. त्याचे फोटोही सोशल मीडियावर व्हायरल झाले होते. प्रेग्नंसीच्या शेवटच्या दिवसांपर्यत भारती सेटवर असल्याचे सांगण्यात आले होते. तिची गुड़ न्युज ऐकल्यावर चाहत्यांनी तिच्यावर कौतुकाचा वर्षाव केला. प्रेग्नंसी अकराव्या दिवसानंतरच तिनं पुन्हा सेटवर जाण्यास सुरुवात केल्यानं नेटकऱ्यांनी तिला चांगलेच फैलावर घेतले आहे. भारती तुला मुल महत्वाचं आहे की काम, असा थेट प्रश्न तिला विचारला आहे. काहींनी तिला घरी आराम करण्याचा सल्लाही दिला आहे.

यावेळी भारतीनं काही मीडियाच्या प्रतिनिधींशी संवादही साधला. तेव्हा ती कमालीची भावूक झाली होती. तिनं सांगितलं की, मला तुमच्या सगळ्यांचा मोठा आशीर्वादही मिळाला आहे. त्यामुळे तुम्ही काय म्हणता हे मला याची पूर्ण कल्पनाही आहे. मात्र त्यावरुन ज्याप्रकारे ट्रोल केले जात आहे ते वाईट आहे. आपण पातळी सोडून बोलता आहात ते पटण्यासारखे नाही. मी आता पुन्हा कामावर परतले आहे. त्यामुळे लोकांनी मला बोलायला सुरुवात केली आहे. मात्र मला कुणाचे आणि किती ऐकायचे हे चांगले कळते. तसेही मी नेहमी नकारात्मक विचार करण्यापेक्षा सकारात्मक विचार करण्यावर जास्त भर देते. असंही भारतीनं यावेळी सांगितलं.