Veteran Lyricist Dev Kohli Passed Away: बॉलिवूडचे ज्येष्ठ गीतकार देव कोहली यांचे आज, शनिवारी निधन झाले. वयाच्या ८२ व्या वर्षी देव यांनी अखेरचा श्वास घेतला.
देव कोहली यांना अंधेरीतील कोकिलाबेन धीरूभाई अंबानी रुग्णालयात दोन-तीन महिन्यांपासून दाखल करण्यात आले होते. सर्व उपचार करूनही त्यांच्या प्रकृतीत सुधारणा होत नसल्याने शेवटी डॉक्टरांनी देखील उत्तर दिले.
10 दिवसांपूर्वीच त्यांना घरी पाठवण्यात आले होते. देव यांचे आज पहाटे ४ वाजता झोपेतच निधन झाल्याचे सांगण्यात येत आहे. देव कोहलीच्या निधनामुळे चित्रपटसृष्टीत शोककळा पसरली आहे.(Latest Marathi News)
देव यांनी 'मैने प्यार किया', 'बाजीगर', 'जुडवा 2', 'मुसाफिर', 'शूट आउट अॅट लोखंडवाला' आणि 'टॅक्सी नंबर 911' यासह 100 हून अधिक हिट चित्रपटांसाठी त्यांनी गाणी लिहिली आहेत.
पाकिस्तानातील रावळपिंडी येथे जन्मलेल्या देव कोहली यांनी बॉलिवूड चित्रपटांसाठी सुमारे शंभर गाणी लिहिली. त्यांनी ये काली काली आंखे, माये नी माये, आणि आते जाते हंस्ते गाते यासह काही हिट हिंदी गाणी दिली. देव यांनी १९६९ मध्ये गुंडा या चित्रपटातून त्यांनी करिअरला सुरुवात केली होती.
मीडिया रिपोर्टनुसार, देव यांचे पार्थिवावर आज दुपारी 2 वाजता मुंबईतील ज्युपिटर अपार्टमेंट येथील त्यांच्या घरी अंत्यदर्शनासाठी ठेवण्यात येणार आहे. देव याच्या पार्थिवावर आज संध्याकाळी 6 वाजता जोगेश्वरी पश्चिम येथील ओशिवरा स्मशानभूमी येथे अंत्यसंस्कार करण्यात येतील.
त्यांचे जवळचे सहकारी अनु मलिक, आनंद राज आनंद, उत्तम सिंग आणि इतर बॉलिवूड कलाकार आज संध्याकाळी त्यांना आदरांजली वाहतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
