Vijayadashami 2023 TMKOC Memes: टीव्ही मनोरंजन विश्वातील प्रसिद्ध मालिका तारक मेहता का उल्टा चष्मा ही नेहमीच प्रेक्षकांच्या, चाहत्यांच्या चर्चेचा विषय राहिली आहे. या मालिकेनं गेल्या दोन दशकांहून अधिक काळ प्रेक्षकांचे मनोरंजन केले आहे. लहानांपासून ज्येष्ठांपर्यत सगळ्याच वयोगटातील व्यक्ती या मालिकेचे प्रेक्षक आहेत.
घटना, गोष्ट अथवा प्रसंग कोणताही असो त्यावर मिश्किल टिप्पणी करण्यासाठी तारक मेहता का उल्टा चष्मामधील मीम्सचा उपयोग होतोच. सोशल मीडियावर एखाद्या ट्रेडिंग गोष्टीवर जेव्हा कॉमेडी मीम्स व्हायरल होतात त्याच बहुतांशी मीम्स हे टीएमकेचे असल्याचे दिसून येतात. यावरुन या मालिकेची लोकप्रियता कळून येते. या मालिकेतील जेठालाल, दयाबेन यांचे मीम्स विशेष लोकप्रिय आहेत.
Navratri 2023 : तलवारीचं 'स्त्री'त्त्व आणि आदिमायेच्या गुणतत्त्वांचा सहसंबंध काय आहे?
आता विजयादशमीच्या निमित्तानं तारक मेहताच्या जेठालालचा एक व्हिडिओ व्हायरल झाला आहे. त्यामध्ये जेठालाल यांचा तो रावणाचा सीन नेटकऱ्यांचे लक्ष वेधून घेताना दिसत आहे. सोशल मीडियावर त्या व्हिडिओनं पुन्हा एकदा वेगळ्याच चर्चेला उधाण आले आहे. त्या एपिसोडमध्ये जेठालाल हे रावणाशी पंगा घेताना दिसतो आहे. त्याचवेळी त्याची झालेली फजिती नेटकऱ्यांच्या प्रतिक्रियेचा विषय आहे.
त्या व्हिडिओमध्ये दिसून येते की, रावण येऊन जेठालालला जागं करतो. त्याचवेळी त्यानं रावणाची टिंगल करण्यास सुरुवात केली. जेठालाल त्याला विचारतो मी तुला रावण का म्हणू? रावणाकडे दहा तोंडं होती. तुझ्याकडे तर एकच आहे. तेव्हा रावण त्याला म्हणतो, माझ्यासोबत बाहेर चल मी तुला दाखवतो. या दोघांचा संवाद असाच सुरु राहतो. त्यांच्या या वाकयुद्धाला नेटकऱ्यांची पसंती मिळाली आहे. काहींनी त्यावर दिलेल्या प्रतिक्रियाही भन्नाट आहे.
या व्हिडिओवर युझर्सनं दिलेल्या प्रतिक्रियाही भलत्याच भन्नाट आहे. एकानं म्हटले आहे की, जेठालालचा स्वॅगच भारी आहे. गेल्या अनेक वर्षांपासून टीएमकेओसी मालिकेनं आमचे खूपच मनोरंजन केले आहे. या मालिकेतील सर्वच कलाकारांना धन्यवाद जेवढे द्यावेत तेवढे कमीच आहे. अशा प्रतिक्रिया नेटकऱ्यांनी दिल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.