Salman Khan: ऑनस्क्रीन किसिंग सीन नको रे बाबा! सलमान खान असं का म्हणतो?

बॉलिवूड चित्रपटांमध्ये रोमान्स आणि किसिंग सीन नसेल असे क्वचितच पाहायला मिळते. बहुतेक नायक यश मिळविण्यासाठी त्यांच्या चित्रपटातील कहाणीच्या कथित मागणीवर किसिंग सीन्स करणे टाळत नाहीत.

कदाचित सलमान खान याला अपवाद ठरला आहे, जो आपल्या हिरोइन्सना किस करत नाही आणि त्याचे चित्रपट प्रचंड कमाई करतात. आता सलमान खान किसी का भाई किसी की जान' या चित्रपटातून त्याच्या चाहत्यांसमोर येणार आहे.

सलमान खानचा कोणताही चित्रपट आठवला तर तो नायिकेला मिठी मारतो पण किस करत नाही. पडद्यावर अशी एकही नायिका नाही जी म्हणेल की सलमान खानने तिला पडद्यावर किस केले आहे. तर दुसरीकडे शाहरुख खान, अजय देवगण आणि आमिर खान सारखे मोठे स्टार्स किस करायला अजिबात मागेपुढे पाहत नाहीत.

मात्र, सलमान खानने त्याचा पहिला आणि एकमेव लिपलॉक भाग्यश्रीसोबत सूरज बडजात्याच्या मैने प्यार किया या चित्रपटात केला होता. या सीनमध्ये सलमानने नायिकेला हातही लावला नाही.

अशा परिस्थितीत हा लिपलॉक कसा घडला याचीही एक कहाणी आहे. सूरज बडजात्या यांनी भाग्यश्री आणि सलमानचे मन वळवण्याचा खूप प्रयत्न केला. दोघेही या लिपलॉकसाठी अजिबात तयार नव्हते.

सूरज बडजात्याने काचेचा ग्लास दोघांमध्ये ठेवला आणि त्यामुळे हा सीन शूट करता आला. यानंतर सलमानने आजपर्यंत कुणालाही किस केले नाही. त्याचे मुख्य कारण म्हणजे त्याचे 'नो किस क्लॉज'. चित्रपटात येण्याआधीच त्याने निर्णय घेतला होता की तो कधीही कोणत्याही नायिकेच्या ओठावर किस करणार नाही.

सलमानने आजपर्यंत स्वत:ला दिलेले हे वचन मोडले नाही. चित्रपटाची स्क्रिप्ट वाचल्यानंतर तो स्पष्ट करतो की चित्रपटात किसिंग सीन नसावा. यासोबतच सलमानचा असाही विश्वास आहे की त्याचे चित्रपट संपूर्ण कुटुंबाचे असतात. त्यामुळे अशी दृश्ये योग्य नाहीत.

'जब तक है जान' चित्रपटात शाहरुख खानने कतरिना कैफसाठी त्याचे नो किस क्लॉज तोडले होते. तर अजय देवगणने त्याच्या 'शिवाय' चित्रपटात नायिका एरिका फर्नांडिसला जवळपास एक मिनिट किस करून नो किस क्लॉज तोडला.

आमिर खानबद्दल बोलायचे झाले तर त्याच्यासाठी कोणत्याही किस क्लॉजने फरक पडत नाही. कथेच्या मागणीनुसार तो असे सीन्स करायला चुकत नाही.