हॉलीवूडमधनं(Hollywood) सध्या एक खळबळजनक वृत्त संमोर आलं आहे. आपल्या सगळ्यांना ऑस्कर(Oscar) मध्ये झालेलं थप्पड प्रकरण माहितच असेल. ख्रिस रॉकनं(Chris Rock) बायको जेडा पिंकेट (Jada Pinkett) चा अपमान केल्यामुळे विल स्मिथला सहन झालं नाही अन् त्यानं भर ऑस्कर सोहळ्यात मंचावर जाऊन सर्वांसमक्ष ख्रिसच्या कानशीलात लगावून दिली. सध्या हाती लागलेल्या माहितीनुसार कळतंय की,या थप्पड प्रकरणामुळे विल स्मिथचं वैयक्तिक आयुष्यही म्हणे संकटात आलं आहे.
अशी बातमी सध्या जोर धरून आहे की थप्पड प्रकरणामुळे सध्या विल आणि त्याची पत्नी जेडामध्ये सध्या जबरदस्त तणाव सुरु आहे. हॉलीवूडच्या गोटात सध्या या दोघांच्याच घटस्फोटावरनं चर्चा रंगलीय असं म्हणतात. ते दोघे म्हणे एकमेकांशी बोलतही नाही आहेत. दोघांमधला तणाव अधिक वाढल्याचं बोललं जात आहे आणि प्रकरण घटस्फोटापर्यंत पोहोचलं आहे.
Heat मॅगझीननं दिलेल्या बातमीच्या आधारावर कळत आहे की,जेव्हापासून ऑस्करचं थप्पड प्रकरण घडलं आहे तेव्हापासून विल आणि जेडा मध्ये टेन्शन सुरु आहे. त्यांच्यामध्ये काही वर्षांपासून तणाव होताच पण आता प्रकरण एवढं वाढलंय की ते अगदी अभावानं एकमेकांशी बोलताना दिसतात. जर ते दोघे विभक्त होतील तर विल स्मिथला आर्थिक दृष्टया मोठं नुकसान होण्याची शक्यता आहे. विल स्मिथ ३५० मिलीयनचा मालक आहे,कॅलिफोर्नियाच्या कायद्यानुसार अभिनेत्याला त्याच्या कमाईचा अर्धा हिस्सा पत्नी जेडाला द्यावा लागणार. बोललं जात आहे की हा घटस्फोट एंजेलीना जोली आणि ब्रॅड पीटच्या घटस्फोटापेक्षा अधिक जास्त वेळ चालेल.
आता विल स्मिथ आणि जेडाच्या घटस्फोटाची बातमी किती खरी हे चाहत्यांना लवकर कळेलच. पण विलचे चाहते त्याच्या आयुष्यातील उलथापालथ पाहून नक्कीच चिंतेत पडले असतील. हे तर स्पष्ट झालं आहे की सेलिब्रिटी लोकांसमोर आपल्यातलं नातं किती छान आहे हे भले दाखवत असतील पण प्रत्यक्षात मात्र उलटच असतं. विल आणि जेडामधील तणाव हा खूप दिवसांपासून सुरू होता असं बोललं जात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.