Tanu Weds Manu 3: तनु पुन्हा झिंगणार मनुच्या डोक्याला ताप देणार!

Tanu Weds Manu 3: आनंद एल राय दिग्दर्शित तनु वेड्स मनू रिटर्न्स या चित्रपटाने रिलीज होऊन आठ वर्षे पूर्ण केली आहेत. आर माधवन आणि कंगना राणौत स्टारर या चित्रपटाला प्रेक्षकांनी पार डोक्यावर घेतलं होतं. हा चित्रपट बॉक्स ऑफिसवर जबरदस्त हिट ठरला. या चित्रपटाला चाहत्यांसह स्टार्सकडूनही भरभरून दाद मिळाली.

तनु वेड्स मनु हा सर्वोत्कृष्ट चित्रपट फ्रँचायझींपैकी एक आहे. ही स्टोरी आहे एका जोडप्याची. ज्यात शांत, संयमी मनू म्हणजेच माधवन आणि उत्साही, चिडकी, धडाकेबाज तनू जी आहे कंगना राणौत. दोघांची लव्ह स्टोरी प्रेक्षकांच्या मनाला भिडली. गेल्या काही वर्षांत चित्रपटाने उत्कृष्ट चित्रपटाचा दर्जा मिळवला.

काल, तनू वेड्स मनू रिटर्न्स या फ्रँचायझीच्या दुसऱ्या भागाला नुकताच आठ वर्षे पूर्ण झाली. या प्रसंगी, कंगना रणौतने तिच्या सोशल मिडियावर काही थ्रोबॅक फोटो शेअर केले ज्यात ती दिग्दर्शक आनंद एल राय देखील दिसत आहे.

या फोटोसोबतच कंगनानं दिग्दर्शकाला विशेष विनंती केली की, "जसे TWMR ने 8 वर्षे पूर्ण केली आहे. पब्लिक डिमांडनुसार मी आनंद एल राय यांना भाग या चित्रपटाचा तिसरा भाग बनवण्याची विनंती करते. क्या बोलते हो दोस्त".

या चित्रपटाबद्दल प्रेक्षक अद्याप समाधानी नसले तरी लोक त्याच्या तिसऱ्या भागाचीही वाट पाहत आहेत, या चत्रपटाबाबत माधवनने देखील वक्तव्य केलं होत.

खरं तर, सोशल मीडियावर बऱ्याच दिवसांपासून अशी चर्चा सुरू आहे की 'तनु वेड्स मनू' हा चित्रपट पुन्हा एकदा तिसरा भाग येणार. अशा परिस्थितीत, नुकत्याच झालेल्या एका मुलाखतीदरम्यान, आर माधवनला पुन्हा मनूच्या भूमिकेत पडद्यावर दिसणार का असा प्रश्न विचारण्यात आला होता.

तेव्हा तो म्हणाला की मूळ गोष्टी घेऊन येणे खूप कठीण आहे आणि लोकांना चित्रपटाकडून अपेक्षा आहेत.

म्हणाला, 'जर ती एव्हेंजर्स किंवा सुपरहिरो मालिका असती तर ते सोपे झाले असतं, कारण तेव्हा तुमच्याकडे एक टेम्पलेट आहे, परंतु तनु वेड्स मनू या चित्रपटात ते अशक्य आहे. या चित्रपटासाठी मला जे काही करायचे होते ते मी केले आहे आणि आता मला पुन्हा मनू बनायचे नाही.

त्याच्या या वक्तव्यामुळे चाहते काहीसे नाराज झाले होते. मात्र आता पुन्हा कंगनाच्या या ट्विटमुळे चाहते पुन्हा उत्साहित झाले आहेत. कंगनानं दिग्दर्शकाला अशी आशा तिचे चाहते व्यक्त करत आहे.