‘वंडर वुमन’ची बुर्ज खलिफावर जबरदस्त एंट्री, तीन वेळा बदललेल्या तारखेनंतर अखेर 'या' दिवशी होणार रिलीज

मुंबई- 'वंडर वुमन १९८४' हा सर्वात मोठ्या सिनेमांपैकी एक म्हणून चर्चेत आहे. खरं तर हा सिनेमा ऑगस्ट महिन्यात रिलीज होणार होता. मात्र कोरोना व्हायरसच्या वाढत्या संसर्गामुळे हा सुपरहिरो सिनेमा तीन ते चार वेळा लांबणीवर गेला. अखेर प्रेक्षकांच्या आग्रहाखातर हा मोस्ट अवेटेड 'वंडर वुमन १९८४' सिनेमा येत्या २५ डिसेंबर रोजी जगभरातील थिएटर्समध्ये रिलीज होणार आहे. या सिनेमात मुख्य व्यक्तिरेखा साकारणाऱ्या अभिनेत्री गॅल गेडॉटने स्वत: सोशल मीडियाद्वारे ही आनंदाची बातमी चाहत्यांना दिली आहे.

हे ही वाचा: अलीने अर्शिला केलं जॅस्मिनसमोर किस, जॅस्मिन भडकली आणि म्हणाली...    

अभिनेत्री गॅलने तिच्या इन्स्टाग्राम अकाउंटवरुन जगातील सर्वात मोठी इमारत बुर्ज खलिफाचा व्हिडीओ शेअर केला आहे. या इमारतीवर 'वंडर वुमन १९८४ चा ट्रेलर झळकत आहे. या ट्रेलरमध्ये डायना प्रिंस अर्थात वंडर वुमनचे आश्चर्यचकित करणारे स्टंट्स पाहायला मिळत आहेत. या व्हिडीओच्या माध्यमातून तिने तिच्या सगळ्यात चर्चित सिनेमाची रिलिज डेट चाहत्यांना सांगितली आहे. युरोप आणि अमेरिकेत हा सिनेमा १७ डिसेंबरला रिलीज झाला तर भारतात येत्या २५ डिसेंबरला 'वंडर वुमन १९८४' चाहत्यांसाठी रिलीज होणार आहे. 

‘वंडर वुमन १९८४’ हा एक महिला सुपरहिरो सिनेमा आहे. या सिनेमाचा पहिला भाग ‘वंडर वुमन’ २०१७ मध्ये रिलीज झाला होता. या सिनेमात अभिनेत्री गॅल गेडॉट हिने मुख्य व्यक्तिरेखा साकारली होती. तिच्या जबरदस्त अ‍ॅक्शन आणि अफलातून अभिनयामुळे हा सिनेमा सुपरहिट ठरला होता. या सिनेमाने जवळपास ५०० कोटी रुपयांची कमाई केली होती. त्यामुळे प्रेक्षकांच्या आग्रहास्तव ‘वंडर वुमन’चा दुसरा भाग तयार करण्यात आला. कोरोनाच्या संकटामुळे चाहत्यांना याची बराच काळ वाट पाहावी लागली मात्र आता अखेर तो प्रेक्षकांच्या भेटीला येण्यासाठी सज्ज झाला आहे. 

wonder woman 1984 get widest screen count season makers skip 3d release gets higher share multiplexes