Virat Kohli Video: बायकोचं गाणं वाजताच विराट झाला झिंगाट! भर स्टेडियमध्ये चक्क...

Ind Vs South Africa: कोलकात्यात झालेल्या मॅचमध्ये भारताने 243 धावांनी दक्षिण अफ्रिकेवर विजय मिळवला. भारताने या सामन्यात दक्षिण अफ्रिकेला 327 धावांचे लक्ष दिले होते मात्र दक्षिण अफ्रिकेचा संघ 83 धावा करुन ऑल आऊट झाला. या सामान्यात विराट कोहलीने धमाकेदार शतक करत आपल्या चाहत्यांना वाढदिवसाचे गिफ्ट दिले.

यासह विराट कोहलीने सचिन तेंडुलकरच्या वनडेतील 49 शतकांची बरोबरी केली. विराटने वाढदिवसाच्या दिवशी हा विक्रम केल्याने सोशल मिडियावर फक्त विराटचीच चर्चा आहे.

मात्र याबरोबरच विराट कोहलीचे काही व्हिडिओ सध्या सोशल मिडियावर व्हायरल झाले आहेत. विराटला कालच्या सामन्यादरम्यान इतका आनंदी होता की तो स्वत:ला नाचण्यापासून रोखू शकला नाही.

विराटचे काही व्हिडिओ सध्या सोशल मीडियावर व्हायरल होत आहेत, ज्यामध्ये तो फिल्डिंग करताना डान्स स्टेप्स करताना दिसत आहे.

खरंतर, या सामन्यादरम्यान विराट कोहलीची पत्नी अनुष्का शर्माच्या बँड बाजा बारात या चित्रपटातील Aivain Aivain हे गाणे डिजेवर वाजले. तेव्हा विराट या गाण्यावर डान्स करताना दिसला. ज्याचा व्हिडिओ वेगाने व्हायरल होत आहे. या व्हिडिओमध्ये किंग कोहली या गाण्याच्या हुक स्टेप करताना दिसला.

इतकच नाही तर काही वेळानं त्यानं शाहरुख खानची सिग्नेचर स्टेपही केली. याचा व्हिडिओही सोशल मीडियावर व्हायरल झाला आहे. त्यानंतर कोहली शाहरुखच्या चलैया गाणे गुणगुणताना दिसत आहे.

यानंतर कोहली किंग खानच्या गाण्यावर सिग्नेचर स्टेप करताना दिसत आहे. कोहलीची ही शैली चाहत्यांना खूप आवडली आहे. प्रत्येकजण त्याच्या अभिनयाचे कौतुक करत आहे. सध्या नेटकरी या व्हिडिओचा आनंद घेत आहे.

5 नोव्हेंबर हा दिवस विराटसाठी खुपच खास ठरला. विराटने त्याचा 35 वा वाढदिवस साजरा केला. एकीकडे विराटने सामन्यादरम्यान डान्स करून पत्नी अनुष्काची आठवण काढली, तर दुसरीकडे विराटच्या शतकावर अनुष्कानेही आनंद साजरा केला.