Zara Hatke Zara Bachke Box Office Collection: कासवाच्या वेगानं जरा हटके जरा बचके ची हाफ सेंच्यूरी....

'जरा हटके जरा बचके' या विकी कौशल आणि सारा अली खानच्या चित्रपटानं प्रेक्षकांच खुप मनोरंजन केले. पहिल्या दिवसापासूनच या चित्रपटाला प्रेक्षकांचा चांगला प्रतिसाद मिळत आहे. या चित्रपटात पहिल्यांदाच विकी आणि सारा अली खानची जोडी ऑनस्क्रीन दिसली असून प्रेक्षकांना त्यांची केमिस्ट्री खूप आवडली आहे. त्यामुळे चित्रपटगृहांमध्ये या चित्रपटाला मोठी पसंती मिळत आहे.

2 जून रोजी थिएटरमध्ये प्रदर्शित झालेल्या या चित्रपटाचा आज 11 वा दिवस आहे. या रोमँटिक ड्रामा चित्रपटासाठी मागील वीकेंड खूप चांगला ठरला आहे. चित्रपटाच्या कमाईच्या आकडे निर्माते आणि स्टार्ससाठी फायदेशीर आहे. चित्रपटाच्या बजेटपेक्षा जास्त कमाईचा गल्ला या चित्रपटाने कमावला आहे.

आता या चित्रपटाच्या दहाव्या दिवसाच्या कमाईचे आकडे देखील समोर आले आहेत. या शनिवार आणि रविवारी विकेंडमुळे चित्रपटाच्या कमाईच्या आकडेवारीत मोठी वाढ झाली होती.

ट्रेड अॅनालिस्ट तरण आदर्श यांनी इन्स्टाग्रामवर चित्रपटाच्या रविवारच्या कलेक्शन बद्दल काही पोस्ट शेअर केली आहे. त्यानुसार 'जरा हटके जरा बचके'ने रिलीजच्या 10व्या दिवशी म्हणजेच रविवारी 7.2 कोटी रुपयांचे ग्रँड कलेक्शन केले आहे. यासह चित्रपटाची एकूण कमाई आता 53.55 कोटींवर गेली आहे.

अवघ्या 40 कोटींमध्ये बजेटमध्ये तयार करण्यात आलेल्या लक्ष्मण उतेकर दिग्दर्शित 'जरा हटके जरा बचके' या चित्रपटाने शेवची ५० कोटींचा आकडा पार करत असून बॉक्स ऑफिसवर तो हिट चित्रपटांच्या यादित नाव कोरल आहे.

या चित्रपटात विकी कौशल आणि सारा अली खान व्यतिरिक्त इनामुलहक, सुष्मिता मुखर्जी, नीरज सूद, राकेश बेदी आणि शरीब हाश्मी यांच्याही महत्त्वाच्या भूमिका आहेत.