Zara Hatke Zara Bachke Day 7 Box Office Collection: सातव्या दिवशी 'जरा हटके जरा बचके' ची कमाई व्हेंटिलेटर?

गेल्या काही दिवसात बॉक्स ऑफिसवर बॉलिवूडच्या चित्रपटांबाबत बोलायच झालं तर पठाण आणि द केरळ स्टोरी शिवाय दुसरे काही चित्रपट काही खास कमाल करु शकले नाहीत. मात्र सारा आणि विकी कौशलच्या जरा हटके जरा बचके या चित्रपटानं प्रेक्षकांची मनं जिंकली आहे.

याचा अंदाज चित्रपटाच्या कमाईच्या आकड्यावरुन येतो. लवकरच हा चित्रपट आपल्या बजेटपेक्षा जास्त कमाई करेल असा अंदाज व्यक्त केला जात आहे. त्यामुळे आता दुसऱ्या आठवड्यात हा चित्रपट किती कमाई करेल याकडे आता निर्मात्यांच लक्ष लागलं आहे.

विकी कौशल आणि सारा अली खान यांची जोडी 'जरा हटके जरा बचके'मध्ये पहिल्यांदाच पाहायला मिळणार आहे. या रोमँटिक कॉमेडी चित्रपटातील दोघांची ऑनस्क्रीन केमिस्ट्री प्रेक्षकांना भुरळ पाडत आहे.

चित्रपटाची ओपनिंग खूप चांगली झाली. यानंतर वीकेंडलाही या चित्रपटाने चांगला व्यवसाय केला असला तरी आठवड्याच्या दिवसात चित्रपटाची कमाई कमी झाली आहे.

सचनिकच्या सुरुवातीच्या आकडेवारीनुसार, चित्रपटाने सातव्या दिवशी 3.25 कोटींच्या जवळपास कमाई केली आहे, त्यानंतर चित्रपटाची एकूण कमाई 37.36 कोटींवर गेली आहे. तर चित्रपटाचे बजेट फक्त 40 कोटी आहे. त्यामुळे लवकरच हा चित्रपट बजेटपेक्षा जास्त कमाई करु शकते असा अंदाज व्यक्त केला जात आहे.

जरा हटके जरा बचकेने पहिल्या दिवशी 5.49 कोटी.दुसऱ्या दिवशी 'जरा हटके जरा बचके'ने 7.2 तर तिसऱ्या दिवशी 9.9 कोटींची कमाई केली. चौथ्या दिवशी 4.14 कोटी, पाचव्या दिवशी 3.87 कोटी तर सहाव्या दिवशी चित्रपटाचे कलेक्शन 3.51 कोटी रुपये इतक होत. 'जरा हटके जरा बचके'ची एकूण कमाई आता 37.36 कोटींवर गेली आहे.

एका मध्यमवर्गीय कुटूंबाची कथा असलेल्या या चित्रपटात सारा आणि विकी स्वत:च घर घेण्यासाठी धडपडत असतात. त्यासाठी ते काहीही करायला तयार असतात. त्यामुळे ते घटस्फोटही घेतात. त्यानंतर अनेक रंजक वळण या कथेला येते.

स्टारकास्टबद्दल बोलायचे झाले तर विकी आणि सारा यांनी चित्रपटात मुख्य भूमिका साकारल्या आहेत. नीरज सूद, कनुप्रिया पंडित, राकेश बेदी, हरचरण चावला, आकाश खुराना, सुष्मिता मुखर्जी आणि शरीब हाश्मी सहाय्यक भूमिकेत आहेत.