ZHZB Box Office Collection Day 3: विकी-साराची जोडी हिट की फ्लॉप? विकेंडला जमवला 'इतक्या' कोटींचा गल्ला

ZHZB Box Office Collection Day 3: विकी कौशल आणि सारा अली खान यांचा चित्रपट 'जरा हटके जरा बचके' बॉक्स ऑफिसवर धमाकेदार कमाई करत आहे. विकी आणि साराची धमाल जोडी प्रेक्षकांच्या पसंतीस पडत आहे. कपिल आणि सोम्यांच्या जोडीला प्रेक्षकांनी डोक्यावर घेतल आहे. कारण बॉक्स ऑफिसवर या चित्रपटाचं कलेक्शन दिवसेंदिवस वाढत आहे.

शुक्रवारी म्हणजेच 2 जूनला थिएटरमध्ये प्रदर्शित झाला. हा चित्रपट प्रदर्शित झाला असून तीन दिवसांत चित्रपटाचे कलेक्शन उत्कृष्ट आहे.

सुमारे 40 कोटी रुपयांच्या बजेटमध्ये बनलेल्या 'जरा हटके जरा बचके' बॉक्स ऑफिसवर अपेक्षित कमाईचा आकडा पुर्ण करेल अशी आशा आहे. कारण

आता या चित्रपटाने निम्म्याहून अधिक बजेट पुर्ण केले आहे. आता वीकेंडला या चित्रपटानं किती कमाई केली याचे आकडे समोर आले आहेत.

SacNilk च्या सुरुवातीच्या ट्रेड रिपोर्टनुसार, 'जरा हटके जरा बचके' ने रिलीजच्या तिसर्‍या दिवशी म्हणजेच रविवारी 9 कोटी रुपयांचं कलेक्शन केले आहे.

'जरा हटके जरा बचके'ने रिलीजच्या पहिल्याच दिवशी 5.49 कोटींचे जबरदस्त कलेक्शन केले तर शनिवारी 7.25 कोटी रुपयांचा व्यवसाय केला आहे. यासह, विकी आणि साराच्या चित्रपटाच्या ओपनिंग वीकेंडची एकूण कमाई आता 21.69 कोटींवर गेली आहे.

विशेष म्हणजे हा चित्रपट सारा आणि विकी कौशल या स्टार्सशिवाय नीरज सूद, राकेश बेदी आणि शरीब हाश्मी सहाय्यक भूमिकेत आहेत. या चित्रपटाचे दिग्दर्शन लक्ष्मण उत्रेकर यांनी केले आहे. चित्रपटाची गाणी आणि ट्रेलर लोकांना खूप आवडला होता. त्याचबरोबर दोघही कलाकरांनी या चित्रपटाच्या प्रमोशनमध्ये खुप मेहनत घेतली होती.

'जरा हटके जरा बचके' हा विकी कौशलचा दुसरा सर्वात मोठा ओपनर चित्रपट ठरला आहे. विकीचा पहिला सर्वात मोठा ओपनर चित्रपट 'उरी: द सर्जिकल स्ट्राइक' होता. तर दुसरीकडे साराचा 'सिम्बा', 'लव्ह आज कल 2' आणि 'केदारनाथ' नंतर ही चौथा मोठा ओपनर चित्रपट ठरला आहे.