गावाकडे जायचंय, मग हे करा...

औरंगाबाद : आपल्या गावाकडे जाण्यासाठी, तसेच परजिल्ह्यातून औरंगाबादला येण्यासाठी परवानगी हवी असल्यास सबंधीत अधिकाऱ्यांकडे आॅनलाईन माहिती भरुन द्यावी लागणार आहे. 

कोरोनाच्या संकटाने सर्वानाच चांगलेच घेरले आहे. अचानक लाॅकडाऊनची घोषणा झाल्यामुळे अनेक मजूर देशाच्या व राज्याच्या विविध भागात अडकुन पडले आहेत. आम्हाला गावाकडे जावुद्या, यासाठी मागील काही दिवसांपासुन ते सरकारकडे मागणी करीत आहेत. त्यांची अडचण लक्षात घेऊन सरकारने अडकलेल्यांना त्यांच्या गावी नेऊन सोडण्याचा निर्णय घेतला आहे. त्यासाठी मात्र, शासनाची परवानगी घ्यावी लागणार आहे. 

महत्त्वाची बातमी - कोरोनाच्या पार्श्वभूमीवर अधिकाऱ्यांच्या तातडीने बदल्या

इतर राज्यातील नागरिकांना औरंगाबाद जिल्ह्यातून इतर जिल्ह्यात जाण्यासाठी किंवा परराज्यात जाण्यासाठी तसेच इतर जिल्ह्यातून किंवा परराज्यातून औरंगाबाद जिल्ह्यात येण्यासाठी http://covid19.mhpolice.in/या लिंकचा वापर करावा. यात आपली संपूर्ण माहिती भरून सबमिट करावे. आपण भरलेली माहिती योग्य असल्याची खात्री करून ऑनलाइन पास देण्याची कारवाई करण्यात येईल.

तसेच जे महाराष्ट्रातील नागरिक औरंगाबादेत अडकले आहेत. त्यांना आपल्या गावाकडे जायचे आहे. अशांनी औरंगाबाद पोलिस आयुक्तालयात पोलीस आयुक्त औरंगाबाद यांच्या नावाने आपला अर्ज लेखी किंवा pisb.abadcity.corona@gmail.com या ई-मेलवर आॅनलाईन पद्धतीने अर्ज करून कागदपत्रे सादर करावेत. शहरासाठी ही कार्यवाही पोलीस आयुक्तालय मार्फत केली जाईल तर ग्रामीण भागासाठी ही कारवाई जिल्हाधिकारी कार्यालयामार्फत केली जाईल. याव्यतिरिक्त कोठेही पुन्हा नव्याने अर्ज करण्याची आवश्यकता नाही. 

सहा महिन्यांच्या बाळाचे शिर कापून फेकले, कुत्र्याने पळवले

प्रथम आपला फॉर्म नीट भरला असल्याबाबत खात्री करावी. तरीदेखील याबाबत अडचण आल्यास जिल्हा नियंत्रण कक्षातील या 0240-2331077 या क्रमांकावर संपर्क साधता येईल. याशिवाय कोणतेही राज्य किंवा विभागीय किंवा जिल्हा नोडल अधिकारी यांना फोन करण्याची किंवा मेसेज करण्याची आवश्यकता नाही, असे सांगण्यात आले आहे.