औरंगाबाद : वैजापूर तालुक्यातील शिऊर पोलिस ठाण्याचे सहायक पोलिस निरीक्षक सत्यजित ताईतवाले यांच्या अंगावर वाहन घालून लोखंडी राॅडने जीवघेणा हल्ला करण्यात आला. ही घटना औरंगाबादेतील सिडको चौकात सोमवारी (ता.एक) मध्यरात्रीच्या सुमारास घडली आहे. ताईतवाले यांच्यावर मुकुंदवाडीतील एका खासगी रुग्णालयात उपचार सुरु आहेत. ते औरंगाबादेत कुटुंबीयांसोबत राहतात.
सध्या ते शिऊर पोलिस ठाण्यात सहायक पोलिस निरीक्षक आहेत. सोमवारी एका हाॅटेलमध्ये गेले असता तिथे काही लोकांसोबत ताईतवाले यांचा वाद झाला. या नंतर ते सिडको भागात गेले असता सहा हल्लेखोरांनी त्यांचा पाठलाग करत वाहन त्यांच्या अंगावर घातले. यात ते खाली पडले असता सहा जणांनी त्यांना लोखंडी राॅडने हल्ला केला.
यात सत्यजित ताईतवाले गंभीर जखमी झाले आहेत. या घटनेची माहिती मिळाल्यानंतर एमआयडीसी पोलिस घटनास्थळी दाखल झाले. माजी नगरसेवक मनोज गंगावे आणि स्थानिकांनी ताईतवाले यांना रुग्णालयात दाखल केले. गुन्हे शाखेचे सहायक पोलिस निरीक्षक अजबसिंग जारवाल यांनी ताईतवाले यांची रुग्णालयात जाऊन चौकशी केली. पोलिसांकडून सध्या आरोपींचा शोध सुरु असल्याचे जारवाल यांनी सांगितले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
