Crime News: औरंगाबादमध्ये तरुणाची भोसकून हत्या; शहरातील वाढती गुन्हेगारी चिंताजनक

औरंगाबाद: सोळा गुन्हे दाखल असलेल्या आणि एकदा तडीपारीची कारवाई झालेल्या गुन्हेगाराचा औरंगपुरा भागातील पिया मार्केट येथे खून झाला. ही घटना गुरूवारी (ता. 15) रात्री दहाच्या सुमारास घडली. यात एकोणीस वर्षीय तिघांना पोलीसांनी ताब्यात घेतले. अशी माहिती पोलिस उपायुक्त निकेश खाटमोडे यांनी दिली.

पोलिसांकडून प्राप्त माहितीनुसार, समीर खान सिकंदर खान (वय 27, रा. टाऊन हॉल) असे मृताचे नाव आहे. एका दारूच्या दुकानात समीर आणि त्याचा साथीदार दारू पिण्यासाठी औरंगाबादेतील मार्केटमध्ये रात्री गेले होते. तेथून परतत असताना एकोणीस ते वीस वर्षीय तिघे दुचाकीवरून आले. त्यांची आणि समीरमध्ये गाडीचा धक्का लागल्या वरून बाचाबाची सुरु झाली. वाद वाढून तिघांपैकी एकाने समीरच्या उजव्या पायाच्या मांडीवर वार केला. यात रक्तस्त्राव होऊन सिकंदर याचा मृत्यू झाला.

agriculture acts 2020: पैठण गेट येथे कृषी कायद्यांची होळी

घटनेनंतर गुन्हे शाखा, सिटीचौक पोलिसांनी धाव घेतली. त्यानंतर पोलिसांनी संशयीत तिघांना ताब्यात घेतले. शहरात गुन्हेगारीवर लगाम लावण्यासाठी पोलिस यंत्रणा मोठी कारवाई करत असल्याचे दिसत आहे. पण तरीसुध्दा शहरात विविध भागात गुन्हे वाढताना दिसत आहेत. शहराच्या बऱ्याच भागात किरकोळ कारणांवरून वाद, तंटे होताना दिसत आहेत. त्याचेच नंतर मोठ्या गुन्ह्यात रुपांतर होत आहे.

"समीरवर सोळा गुन्हे नोंद आहेत. त्याच्यावर तडीपारीची एकदा कारवाईही झाली होती. त्याच्या खून प्रकरणी तिघांना ताब्यात घेण्यात आले आहे."

- निकेश खाटमोडे, पोलिस उपायुक्त.

(edited by- pramod sarawale)