अखेर जिल्हा बँकेवर शिवसेनेचा भगवा; नितीन पाटील बिनविरोध

औरंगाबाद: जिल्हा मध्यवर्ती सहकारी बँकेच्या अध्यक्षपदी पुन्हा नितीन पाटील यांची बिनविरोध निवड झाली आहे. अध्यक्षपदासाठी कॅबिनेट मंत्री संदीपान भुमरे यांनी अर्ज दाखल केला होता.

मात्र भुमरेंनी अर्ज मागे घेतल्यामुळे नितीन पाटील यांची बिनविरोध अध्यक्षपदी निवड झाली आहे. तर दुसरीकडे उपाध्यक्षपदासाठी चुरस दिसून आली आहे. जिल्हा मध्यवर्ती बँकेच्या उपाध्यक्षपदासाठी पाच जणांनी अर्ज दाखल केला होता.

Corona Updates: जालन्यात चार हजार ८३९ रुग्णांवर उपचार सुरू; ५६७ नवीन रुग्ण

यामध्ये दिनेश परदेशी, आप्पासाहेब पाटील यांनी माघार घेतली तर जगन्नाथ काळे, कृष्णा पाटील डोणगावकर आणि अर्जुन गाढे हे उपाध्यक्षपदाच्या  रिंगणात आहेत. दुपारी एक वाजे दरम्यान या तिघांमध्ये उपाध्यक्षपदासाठी निवड होणार आहे, अशी माहिती निवडणूक अधिकाऱ्यांनी दिली आहे.