मुख्य कार्यकारी अधिकारी गोंदवले रुजू 

औरंगाबाद -  जिल्हा परिषदेचे मुख्य कार्यकारी अधिकारी एम. एम. गोंदवले मंगळवारी (ता.चार ) सायंकाळी रुजू झाले. मुंबईहून सायंकाळी त्यांचे शहरात आगमन झाले. त्यानंतर ते थेट जिल्हा परिषदेत दाखल झाले. 

जिल्हा परिषदेच्या मुख्य कार्यकारी पवनीत कौर यांच्या जागेवर मुंबई येथे विक्रीकर उपायुक्‍त म्हणुन कार्यरत असलेले एम. एम. गोंदवले यांची नियुक्‍ती झाली. सोमवारी ते पदभार घेतील अशी चर्चा होती, मात्र ते मुंबईतील विक्रीकर उपायुक्‍त पदावरुन कार्यमुक्‍त झाल्याने ते मंगळवारी शहरात दाखल झाले. ते सायंकाळी इथे आल्यानंतर जिल्हा परिषदेत जाऊन त्यांनी पदभार घेतला.

हेही वाचा : बाई तुम्हीच सांभाळा तुमचे सौभाग्याचे लेणे ! 

त्यांचे प्रभारी मुख्य कार्यकारी अधिकारी संगीता पाटील, प्रभारी अतिरिक्त मुख्य कार्यकारी अधिकारी डॉ. सुनील भोकरे, सामान्य प्रशासनचे उपमुख्य कार्यकारी अधिकारी शिरीष बनसोडे, महिला व बाल विकास उपमुख्य कार्यकारी अधिकारी प्रसाद मिरकले, मुख्य लेखा व वित्त अधिकारी अप्पासाहेब चाटे यांच्यासह सर्व विभागप्रमुखांनी स्वागत केले. नंतर त्यांनी बैठक घेतली.

ज्या फायली तातडीने निकाली काढायच्या असतील त्या बुधवारी (ता.पाच) माझ्याकडे द्याव्यात अशा सूचना केल्या. तसेच बुधवारी व्हिडिओ कॉन्फरन्स झाल्यानंतर विभागनिहाय आढाव्याचे वेळापत्रक जाहीर केले जाणार आहे. 

क्‍लिक करा : जनतेवर विश्‍वास नसेल तर बुट हातात घ्यावे लागतात - रोहित पवार