औरंगाबाद @५४६ चौदा दिवसात ४९३ रुग्ण! आज ३८ पॉझिटिव्ह

औरंगाबाद : शहरातील विशिष्ट भागात उद्रेक झाल्यानंतर कोरोनाचा विळखा हळूहळू सर्व शहराला बसत आहे. आज (ता. १०) सकाळी तब्बल ३८ रुग्णांचा अहवाल पॉझिटिव्ह आला असून आता औरंगाबादची रुग्णसंख्या ५४६ इतकी झाली आहे. केवळ १४ दिवसात ४९३ रुग्ण वाढले असून आधीच्या ४२ दिवसात ५३ रुग्ण होते. हे विशेष!

आज सकाळी औरंगाबादेत दत्तनगर १, चंपा चौक ५ आणि रामनगर येथे १५ रुग्ण आढळून आले आहेत. यात १४ पुरुष आणि, ७ महिला आहेत. आता रामनगर हा भाग नवीन हॉटस्पॉट बनला आहे. त्यानंतर काही वेळातच माहापालिकेचा अहवाल प्राप्त झाला. यात १७ रुग्ण कोरोनाबाधित झाल्याचे स्पष्ट झाले. त्यामुळे आज सकाळीच ३८ रुग्णांना लागण झाल्याचे अहवालातून समोर आले आहे.

औरंगाबादच्या इतर बातम्या वाचण्यासाठी - क्लिक करा

शुक्रवारी (ता.आठ) दिवसभरात १०० रुग्णांची भर पडली होती. शनिवारी (ता.९) दिवसभरात ३० नव्या रुग्णाची भर पडली. आज ३८ असे सर्व मिळून जिल्ह्यातील एकूण बाधितांच्या आकडा ५४६ पर्यंत पोचला आहे. विशेष म्हणजे यापूर्वी दौलताबाद, खुलताबाद व  गंगापूर तालुक्यात रुग्ण आढळून आल्यामुळे कोरोनाचा ग्रामीण भागातही शिरकाव झाला आहे.

घाटीत ४२ रुग्णांवर उपचार
घाटीच्या डेडिकेटेड कोविड हॉस्पिटलमध्ये (डीसीएच) ४२ कोरोना पॉझिटिव्ह रुग्णांवर उपचार सुरु आहेत. ३९ रुग्णांची स्थिती सामान्य, तर तीन रुग्णांची स्थिती गंभीर आहे. ३८ कोरोना निगेटीव्ह रुग्णांवरही उपचार सुरू आहेत. २३ कोरोना निगेटीव्ह बरे झाले असून, त्यांना सुटी मिळाली आहे.

मराठवाड्याच्या इतर बातम्या वाचण्यासाठी - क्लिक करा

सिल्क मिल कॉलनीतील ६० वर्षीय महिला, मकसुद कॉलनी, सिकंदर पार्क येथील ३७ वर्षीय महिला, मुकुंदवाडीतील राम नगरच्या ८० वर्षीय पुरुष, किलेअर्कमधील ३५ वर्षीय महिला, जुना बाजारातील ७५ वर्षीय पुरूष आणि आणि गंगापुरातील फुलशेवडा जिल्हा परिषद शाळा येथील ७६ वर्षीय पुरूष या रुग्णांचाही अहवाल पॉझिटिव्ह आलेला आहे. तसेच पुंडलिकनगर येथील ५८ वर्षीय महिला रुग्णास घाटीतून मिनी घाटीत ८ मे रोजी संदर्भीत करण्यात आले आहे.

असा आहे कोरोना मीटर

उपचार घेत असलेले रुग्ण : ४६९
बरे झालेले रुग्ण : ६५
मृत्यू झालेले रुग्ण : १२
एकूण : ५४६

महाराष्ट्रातील इतर बातम्या बाचण्यासाठी - क्लिक करा