Corana Virus : निवारागृहातून पळाले अन् सिल्लोडमध्ये सापडले 

औरंगाबाद - कोरोनाचा संसर्ग वाढत असल्याने लॉकडाऊनही वाढविण्यात आले. त्यामुळे निवारागृहामधून सहा जण पळून गेले. मात्र, ते सिल्लोडमध्ये पोलिसांच्या हाती लागले. पोलिसांनी त्या सहा जणांना परत औरंगाबादमध्ये आणून त्यांची सिडको एन-सात येथील निवारागृहात रवानगी केली. 

लॉकडाऊन सुरू झाल्याने कोरोनाचा संसर्ग वाढू नये यासाठी आपापल्या गावाकडे निघालेल्या परराज्यातील तसेच परजिल्ह्यातील कामगारांना प्रशासनाने महापालिकेच्या निवारागृहात ठेवले आहे. सिडको एन-सात, सिडको एन-सहा, जवाहरकॉलनी आणि भडकलगेट या चार ठिकाणी त्यांना ठेवण्यात आले आहे. या निर्वासितांची संख्या १६१ आहे.

औरंगाबादच्या इतर बातम्या वाचण्यासाठी - क्लिक करा

निवारागृहात राहून त्यांना आता २७ दिवस पूर्ण झाले आहेत. हाताला काम नाही आणि त्यातच घरी कुटुंबाची काय स्थिती असेल या विवंचनेने हे निर्वासित अस्वस्थ झाले आहेत. त्यापैकी त्यांनी अधिकाऱ्यांकडे आम्हाला आमच्या घरी घरू जाऊ द्या असा घोशा लावला. मात्र, ३ मेपर्यंत लॉकडाऊन असल्यामुळे तुम्हाला सोडता येणार नाही. लॉकडाऊन संपल्यावर शासनाच्या आदेशाने तुम्हाला तुमच्या गावाला पाठवण्यात येईल अशी त्यांची अधिकारी समजूत काढत आहेत. 

मराठवाड्याच्या इतर बातम्या वाचण्यासाठी - क्लिक करा

लॉकडाऊन संपेपर्यंत आपली सुटका होणार नाही हे लक्षात आल्यामुळे शनिवारी (ता. २५) सिडको एन-सात येथील शाळेतून सहा जण पळून गेले. ते पळून गेल्याची माहिती मिळाल्यावर पोलिस त्यांच्या मागावर गेले. पोलिसांनी शोध घेत त्या सहा जणांना सिल्लोडमध्ये गाठले आणि तेथून त्यांना पुन्हा सिडको एन-सात येथील शाळेत आणून सोडले. 

महाराष्ट्रातील इतर बातम्या बाचण्यासाठी - क्लिक करा

 
ते सहा जण मध्यप्रदेशातील आहेत. पायी-पायी ते सिल्लोडपर्यंत गेले होते. पोलिसांनी रविवारी (ता. २६) दुपारी तीन वाजता त्यांना पुन्हा सिडको एन-सातच्या शाळेत आणून सोडले. शाळेत आल्यानंतर त्यांना जेवण देण्यात आले. त्यांची समजूत काढण्याचे प्रयत्न सुरू आहेत. 
 विजया घाडगे, 
सहाय्यक आयुक्त, महापालिका