शासन दरबारी सध्या केवळ कोरोनाच्याच उपाययोजना

औरंगाबाद : शासनाने सरकारी कार्यालयात केवळ पाच टक्केच कर्मचारी कार्यरत असतील, असे स्पष्ट केलेले आहे. मात्र, काही विभागात अधिक कर्मचारी बोलावण्यात येत असले तरी काम कोरोना विषाणुला रोखण्यासाठी करण्यात येणाऱ्या उपाययोजनांसाठीच करीत आहेत. त्यामुळे सरकारी कार्यालयात सध्या केवळ कोरोना व्यतीरिक्त महत्वाची कामेच येणे थांबले आहेत. 

हेही वाचा : बेमोसमी पावसामुळे पिकांचे मोठे नुकसान 

‘कोरोना’च्या धास्तीमुळे जनतेनीही सरकारी कार्यालयांत फार फिरकायचे नाही, असाच निर्णय घेतल्याचे चित्र आहे. दुसरीकडे महत्त्वाचे काम असेल तरच कार्यालयात या, अशा सूचना करण्यासाठी विभागीय आयुक्त कार्यालयात कर्मचारी तैनात करण्यात आल्याचे पाहायला मिळाले होते. यामुळे सरकारी कार्यालयांत शुकशुकाट पाहायला मिळतो आहे.

हेही वाचा : गुढीऐवजी उभारा भगवी पताका  

सातत्याने आपली कामे घेऊन येणाऱ्या नागरिकांनी कोरोनामुळे आपली कामे बाजूला ठेवत घरीच थांबणे पसंत केले आहे. कोरोना विषाणूमुळे उद्भवलेल्या बिकट स्थितीतही महसुल विभागाचे कामकाज विस्कळित होणार नाही, याची दक्षता अधिकाऱ्यांकडून घेतली जात आहे. आता व्हिडिओ कॉन्फ्रसिंग, व्हॉटस्ॲप; तसेच ऑनलाइन सुविधांचा आधार घेतला जात आहे. बहुतेक शासकीय कार्यालयांमध्ये शुकशुकाट असला, तरी आयुक्तालय, जिल्हाधिकारी कार्यालयात रोज नियमित कामकाज केले जात आहे.

हेही वाचा : कोरोनाबद्दल साहित्यिक म्हणतात.. 

‘बैठका किंवा दौरे रद्द करण्यात आले असले तरी कोरोनाच्या नियोजनाचा आढावा घेतले जाते. अधिकाऱ्यांना व्हॉटस्ॲपवरून नियमित अपडेटस्, सूचना आणि नेमून दिलेल्या कामांचा आढावादेखील घेत असल्याचे सांगण्यात आले.

हेही वाचा : कोरोनामुळे मिळेना शालेय पोषण आहार..

कोषागार कार्यालयात मार्च एन्डच्या अनुषंगाने खर्चाचे बीले काढण्याला प्राध्यान्य दिले जात आहे. कोरोनामुळे खते, बियाणे किंवा कीडनाशके कंपन्यांना नेमक्या कोणत्या समस्या उद्भवत आहेत किंवा भविष्यात कोणते प्रश्न उभे राहतील, याचा अंदाज व्यक्त केला जात आहे.