भावी नगरसेवकांच्या सोशलमीडीयावर उड्या

औरंगाबाद : येत्या एप्रिलमध्ये होणाऱ्या महापालिकेच्या निवडणुकीच्या आरक्षणाची सोडत सोमवारी (ता.तीन) जाहीर झाली आणि भावी नगरसेवकांनी सोशल मिडीयाच्या माध्यमातून मते मागायला सुरवात केली. आजपासूनच आम्ही तुमच्या सेवेत, अशा स्वरुपाचे मॅसेज पाठवायला देखील सुरवात केली आहे. 

क्लिक करा : (व्हिडिओ पाहा) राज ठाकरे म्हणतात, शेतकऱ्यांना मी ज्ञान पाजळू शकत नाही, कारण.... 

महापालिकेच्या आगामी निवडणुकीसाठी सोमवारी डॉ. बाबासाहेब आंबेडकर मराठवाडा विद्यापीठाच्या नाट्यगृहात वॉर्डांची आरक्षण सोडत काढण्यात आली. त्यात महापौर, उपमहापौर, सभागृहनेते, स्थायी समिती सभापती, विरोधीपक्षनेता यांच्यासह आजी- माजी पदाधिकाऱ्यांना फटका बसला. यामुळे त्या - त्या वॉर्डातील इच्छुक, भावी नगरसेवकांनी आनंद व्यक्‍त केला. तसेच गुडघ्याला बांशीग बांधून तयार असलेल्या अनेक इच्छुकांचा हिरमोड झाल्याने आता पाच वर्ष वाट पाहावी लागणार.

हेही वाचा : त्याने चक्क नाकारली नासाची ऑफर, आता सोशल मीडियावर त्याचीच धूम 

दुसरीकडे किमान आपल्यासाठी वॉर्ड आरक्षीत झाला, हे जाहीर होताच काही ठिकाणी तर इच्छुकांनी जल्लोष केला. अनेक दिवसांपासून स्वप्न बाळगून असलेल्या असलेल्या भावी नगरसेवकांनी आम्ही करू आपल्या वॉर्डाचा विकास, आपला वॉर्ड सुजलाम सुफलाम करण्याची आम्हाला द्या संधी, अशा प्रकारचे मॅसेज सोशल मिडीयावर फिरवायला सुरवात केली आहे.

हे वाचलंत का? : प्रेमी युगुलास मारहाण करणाऱ्या आरोपींना पोलिस कोठडी 

खऱ्या अर्थाने आत्तापासूनच अनेकजण तयारीला लागल्याचे चित्र पाहायला मिळत आहे. सत्ताधाऱ्यांनी वॉर्डाची, शहराची कशी वाट लावली, अशा प्रकारचे आरोप करण्यासही सुरवात झाली आहे. शहरातील, कचरा, रस्ते आणि पिण्याच्या पाण्याचे प्रश्‍न संबधित राज्यकर्त्यांनी एवढ्या वर्षात का सोडले नाही, अशा प्रकारची टिकाही सुरु झाली आहे. या निवडणुकीच्या निमित्ताने येत्या काही दिवसात सोशल मिडीयावर टिका, आरोप, प्रत्यारोप पाहायला मिळणार आहे.