(Video) महत्त्वाची बातमी: कोरोना आकाराने मोठा, बाळाला नाही धोका

औरंगाबाद:  लॉकडाऊनमुळे गर्भवती घराबाहेर पडण्यास घाबरतात, डॉक्टरांनी वेळोवेळी दिलेल्या सर्व चाचण्या, सोनाग्राफी करण्यासाठीही पुढे येत नाहीत, त्रास झाला तरी घरात बसतात असे चित्र पहावयास मिळत असून हे गंभीर आहे. त्यामुळे गर्भवतींनो घाबरु नका गं, आम्ही जीव धोक्यात घालून तुमच्यासाठीच हॉस्पीटलमध्ये बसतोत, अशी आर्त साद स्त्रीरोग तज्ज्ञ डॉ. प्रेरणा देवधर यांनी गर्भवतींना घातली आहे.

गर्भवती डॉक्टरांचा सल्ला न मानता स्वतःबरोबरच होणाऱ्या बाळालाही धोका पोहोचवत असल्याचे डॉ. देवधर ‘सकाळ’ शी बोलताना म्हणाल्या. डॉ. प्रेरणा म्हणाल्या, कोरोनामुळे गर्भवतींमध्ये भीतीचं वातावरण पसरलेलं आहे. त्यामुळे रेग्यूलर चेकअपसाठीही त्या पुढे येत नाहीत. काही घरांमध्ये तर घरातल्या लोकांनीही जाऊ नको म्हणून घाबरवल्याची परिस्थिती आहे. मुख्य म्हणजे लॉकडाऊन आहे म्हणून डॉक्टरांनी सोनोग्राफी, रक्त तपासणी आदिंच्या दिलेल्या तारखा चुकवू नका. अशा कामासाठीही पोलिस सहकार्य करतात.

हेही वाचा- Video: हा काढा घ्या अन् रहा फिट ॲण्ड फाईन, लाॅकडाऊनमध्ये हे गरजेचंच

लॉकडाऊन असले तरीही हॉस्पीटलमध्ये रेग्यूलर चेकअप आणि प्रसूती सुरु आहेत. स्वतःहून पॅनिक स्थिती निर्माण न करता काळजी घ्या कारण गरोदरपणात स्वतःसह दोन जीव संभाळायचे असतात. बाळाला कोरोनाच्या संसर्गापासून वाचवणं हे जितकं गरचेचं असतं तितकंच स्त्रीचं बाकीचंही आरोग्य पाहणं महत्त्वाचं आहे. गरोदर महिलेच्या शारीरीक आणि मानसिक आरोग्य संभाळणे गरचेचे असते.

हे वाचलंत का? मुख्यमंत्र्यांनी मेडिकल सुरू ठेवले, पण हा पठ्ठ्या काय विकतोय पाहा

गर्भवतीने दिवसातून कमीतकमी तीन लिटर पाणी प्यावं. दोनवेळेस लिंबू शरबत. गरोदरपणात शिळे अन्न न खाता ताज्या भाज्या खाव्यात. कामाशिवाय उगीचच घराबाहेर पडू नये, अगदी जीवनावश्‍यक वस्तू घेण्यासाठीही घरातल्या सदस्यांना पाठवा. हात स्वच्छ धुवा, मास्क वापरा असा सल्लाही त्यांनी दिला आहे.

घाबरु नका : नाळेद्वारे कोरोना बाळाकडे जात नाही
कोरोनाचा विषाणू लहान आहे असं जरी आपण म्हणत असलो तरी इतकाही लहान नाही. कोरोनाचा विषाणू साईजमध्ये मोठा असल्याने बाळाला नाळेच्या माध्यमातून कोरोनाचा संसर्ग होत नाही. गरोदरपणात कोरोना झाला तरी बाळाला बाळाला होत नाही. अशा दोन तीन गर्भवती प्रसूती अशा झाल्या आहेत. त्यामुळे अगदी फ्लू सारखा आजार असल्याने गर्भवतींनी घाबरुन जाऊ नये. व्यायामासाठी बाहेर न जाता घरातल्या घरात चाला. गर्भवतींसाठी प्रत्येक तीन तीन महिन्यांचे व्यायाम असतात. श्‍वासांचे व्यायाम करा. योगा, प्राणायम करा. 

हे नक्की वाचा- Video पाहा : हाडांचे प्रसिद्ध तज्ज्ञ डाॅ. काबरा म्हणतात, माईल्ड टू माॅडरेट करा व्यायाम

आपलं कसं होईल, व्यवस्थित होईल की नाही याचं आधीच गर्भवती टेन्शन घेतात. लॉकडाऊनमध्ये टेन्शन, नैराश्‍य येणे यासारखे प्रकारही वाढल्याचे माझे निरीक्षण आहे. आत्मिक समाधान मिळेल अशा गोष्टी करा, आनंदी राहण्याचा प्रयत्न करा. रात्री बेरात्री सिनेमे, टीव्ही पाहू नका, दिनचर्या वेळेत पूर्ण करा. खाण्याच्या वेळा पाळा. डॉक्टारांनी दिलेली औषधं, सल्ला पाळा. 
-डॉ. प्रेरणा देवधर, स्त्रीरोगतज्त्र, कमलनयन बजाज रुग्णालय. 

क्लिक करा- पैठण तालुक्यात पोलिसांवर दगडफेक, सामुदायिक प्रार्थनेला केला प्रतिबंध