एमआयएमने काढली औरंगाबादेत रॅली, बिहार विधानसभा निवडणुकीत पक्षाला यश

शेखलाल शेख
Wednesday, 11 November 2020

बिहार विधानसभा निवडणुकीत एमआयएमने पाच जागा जिंकत घवघवीत यश मिळावल्याने औरंगाबादेत खासदार इम्तियाज जलील यांच्यासह पदाधिकारी कार्यकर्त्यांनी जल्लोष करत आझाद चौक ते बुढीलाईन येथील पक्षाचे कार्यालय दारुस्ससलामपर्यंत रॅली काढली.

औरंगाबाद : बिहार विधानसभा निवडणुकीत एमआयएमने पाच जागा जिंकत घवघवीत यश मिळावल्याने औरंगाबादेत खासदार इम्तियाज जलील यांच्यासह पदाधिकारी कार्यकर्त्यांनी जल्लोष करत आझाद चौक ते बुढीलाईन येथील पक्षाचे कार्यालय दारुस्ससलामपर्यंत रॅली काढली. सीमांचलने `धपा धप दिया`, अशा शब्दांत खासदार प्रदेशाध्यक्ष इम्तियाज जलील यांनी बिहार विधानसभा निवडणुकीत पक्षाला मिळालेल्या यशाबद्दल ट्विट केले.

भाजपचे जयसिंगराव गायकवाड यांचा पदवीधरसाठी अर्ज दाखल, बोराळकरांसमोर आवाहन?

एमआयएमने सीमांचल भागातील २१ मतदारसंघात उमेदवार उभे केले होते. गेल्या विधानसभा पोटनिवडणुकीत निवडणुकीत एका जागेवर विजय मिळवलेल्या या पक्षाने यावेळी मात्र जोरदार मुंसडी मारत पाच जागा जिंकल्या आहेत. पक्षाचे सर्वेसर्वा असदुद्दीन ओवेसी आणि इम्तियाज जलील यांनी तब्बल दोन आठवडे प्रचार केला होता.
यशाबद्दल इम्तियाज जलील म्हणाले, की सीमांचल भागात एमआयएमने २१ जागांवर उमेदवार दिले होते. या शिवाय बसपा आणि अन्य पक्षाची आमची आघाडीदेखील होती. गेल्यावेळी पोटनिवडणुकीत आम्ही एक जागा जिंकलो होतो, आता पाच जागांवर आम्हाला विजय मिळाला आहे.

 

Edited - Ganesh Pitekar

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: MIM Rally In Aurangabad, Party Get Success In Bihar Election