औरंगाबाद: घरात घुसून अपंग अंगणवाडी सेविकेवर अत्याचार करणाऱ्या नराधम मजुराला मंगळवारी (ता.१६) रात्री करमाड पोलिसांनी अटक केली. रमेश दिलीपराव शेजूळ (३१, ह.मु. पुंडलिकनगर) असे त्या आरोपीचे नाव आहे.
करणात ३० वर्षीय अंगणवाडी सेविकेने तक्रार दिली. तक्रारीनुसार, पीडितेला दोन मुली असून त्यातील एक मामाकडे राहते. दरम्यान पीडिताही गावात पती, सासरा व मुलीसोबत राहते. १५ जून रोजी जेवण आटोपल्यानंतर पीडितेचे पती व सासरे झोपण्यासाठी गावातील शाळेत गेले. तर घरात पीडिता व तिची सातवर्षीय मुलगी अशा दोघी होत्या. त्यावेळी आरोपी तेथे आला. पीडितेने दरवाजा उघडताच तो बळजबरी घरात शिरला व बळजबरी करू लागला.
पीडितेने आरडाओरडा करण्याचा प्रयत्न केला असता आरोपीने तिला मारहाण केली आणि तिच्यावर अत्याचार केला. त्याचवेळी पीडितेची मुलगी उठली असता आरोपीने तिलादेखील मारहाण केली. आरोपीने साडीने पीडितेचा गळा आवळून ठार मारण्याचा प्रयत्न देखील केल्याचे तक्रारीत नमूद करण्यात आले आहे. घटनेनंतर आरोपीने तेथून धूम ठोकली.
प्रकरणात करमाड पोलिस ठाण्यात गुन्हा दाखल करण्यात आला. पोलिसांनी तपास करून आरोपीला मंगळवारी (ता.१६) अटक केली. त्याला बुधवारी न्यायालयात हजर करण्यात आले असता आरोपीची रवानगी न्यायालयीन कोठडीत करण्याचे आदेश प्रथमवर्ग न्यायदंडाधिकारी एस. यू. न्यायाहारकर यांनी बुधवारी (ता. १७) दिले. प्रकरणात सहायक सरकारी वकील भागवत काकडे यांनी काम पाहिले.
हेही वाचा- बोगस बियाणे विक्री करणाऱ्यांवर कारवाई पण नेमकी काय? कृषी विभागसमोरील आव्हान कायम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.