औरंगाबाद : जगात कोरोनाचे मोठे संकट उभे आहे. लॉकडाऊनचा काळ आहे. जो तो घरात असून चिंतित आहे. कोरोनाचे भय दाखवून बाधित रुग्णांपासून दूर जाण्यासाठीच्या फसव्या लिंक पाठवून, कॉल करून गंडविण्याचा प्रयत्न भामटे करीत असल्याचे प्रकार उघडकीस आले आहेत. त्यामुळे कुठलीही लिंक अथवा कॉल आल्यास त्याला थारा देऊ नका. फसव्या लिंकवर क्लिक केले तर आर्थिक फटका बसू शकतो. यासाठी नागरिकांनी सावध राहण्याची गरज आहे.
भामट्यांचे हे आहेत फंडे
देशातही कोरोनाचा प्रादुर्भाव वाढत आहे. प्रत्येक जण कोरोनामुळे चिंतित आहे. व्हॉट्सॲप व इतर सोशल मीडियाद्वारे आपण कोरोनाबाबत माहिती जाणून घेण्याचा प्रयत्न करीत असतो. हल्ली भामट्यांसाठी कोरोना हा नवीन ट्रेंड्स असल्याने ते बाधित रुग्णांपासून दूर जाण्यासाठीच्या भंपक क्लृप्त्या काढत आहेत. असे ॲप निघाल्याचे सांगत लिंकही पाठवीत आहेत. यात कोरोनाबाधित रुग्ण आपल्या आसपास असेल तर आपला मोबाईल व्हायब्रेट होईल.
त्यामुळे आपण तेथून दूर जाऊ शकू, अशी थाप मारली जात आहे. पण असे ॲप फसवे आहेत. अशाच पद्धतीचे नानाविध फंडे वापरून भामटे लॉकडाऊनच्या काळात गंडविण्याचे प्रयत्न करीत आहेत. हे व असे फसवे ॲप डाऊनलोड करताना आपणास खूप परमिशन्स मागितल्या जातात. त्यात तुम्हाला बँक खाते, डिटेल्स, पासवर्ड मागितला जातो. आपला मोबाईल डाटाही याद्वारे भामटे वापरू शकतात.
ही घ्या काळजी...
असे फसवे ॲप आधीही यायचे. नवीन ट्रेंडस्, नवीन वातावरण भेटले की भामटे अशा लिंक पसरवतात. आपले बँकिंग डिटेल्स मागच्या दाराने अर्थात फसवून मिळवू शकतात. ॲप डाऊनलोड करण्यापूर्वी खात्री करा, शासनाच्या राष्ट्रीय वाहिन्यांवरून अथवा आकाशवाणीवरून ॲप्स आणि वेबसाईटबाबत सांगितले जाते. त्या गोष्टींवरच विश्वास ठेवा. कोणतेही ॲप, वेबसाईट शासकीय आहे किंवा नाही याची खात्री करा. त्यासाठी अबाऊट इन्फोमध्ये जा आणि माहिती घ्या. रिव्ह्यू वाचा, ॲप किंवा वेबसाईट खरी की खोटी हे त्यावरून समजते. कोणतेही ॲप डाऊनलोड करताना परमिशन्स जास्त प्रमाणात मागत असल्यास सावध राहा; कारण शासकीय ॲप जास्त परमिशन्स मागत नाहीत.
- राहुल खटावकर, सहायक निरीक्षक, सायबर पोलिस ठाणे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.