त्यांनी सापळा लावलाच होता, तोही अलगद अडकला जाळ्यात (वाचा नेमंक काय घडलं)

औरंगाबाद : रोजगार हमी योजनेतून फळबाग लागवड आणि विहीर खोदकामाचा ग्रामसभेचा ठराव देण्यासाठी चार हजारांची लाच स्विकारणाऱ्या कन्नडच्या ग्रामविकास अधिकाऱ्याला आज सकाळी लाचलुचपत प्रतिबंधक विभागाच्या पथकाने रंगेहाथ पकडले. सुधाकर नारायणराव घुले (53, रा. पिशोर, ता. कन्नड) असे त्याचे नाव आहे.

हेही वाचा- राज्य महार्गावर दरोडेखोर - पोलिसांत चकमक, हवेत गोळीबार : पोलिस निरीक्षक जखमी

कन्नड तालुक्यात रोजगार हमी योजनेतून फळबाग व विहीर खोदकाम करण्यात आले होते. त्यासंदर्भात ग्रामस्थांनी सभा घेतली होती. या ग्रामसभेचा ठराव देण्यासाठी ग्रामविकास अधिकारी सुधाकर घुले याने 31 जानेवारीला चार गावांना प्रत्येकी एक हजार रुपये देण्याची मागणी केली. त्यावरुन गावकऱ्यानी लाचलुचपत प्रतिबंधक विभागाशी संपर्क साधला.

क्लिक करा- संचमान्यतेपेक्षा जास्त विद्यार्थी आले कुठून? परिक्षा मंडळासमोर यक्ष प्रश्न

पोलीस अधीक्षक अरविंद चावरिया, अप्पर पोलीस अधीक्षक अनिता जमादार, उपअधीक्षक मारुती पंडीत यांच्या मार्गदर्शनाखाली निरीक्षक गणेश धोक्रट, पोलिस नाईक विजय ब्राम्हंदे, सुनील पाटील, विलास चव्हाण, केदार कंदे, कपिल गाडेकर व चांगदेव बागुल यांनी लाच स्विकारताना घुलेला पकडले.

हे वाचलंत का?- दुसऱ्यांसमोर हात पसरण्यात हरवतेय बालपण