औरंगाबादेत पुन्हा दोनजण कोरोना पॉझिटिव्ह, रुग्णसंख्या 42 वर

औरंगाबाद : औरंगाबादेत आणखी दोन जणांना कोरोनाचा संसर्ग झाल्याचे स्पष्ट झाले आहे. यात भीमनगर-भावसिंगपुरा येथील 27 वर्षीय तरुण आणि आसेफिया कॉलनी येथील 38 वर्षीय पुरुषाचा समावेश आहे. यांनाही पूर्वीच्या रुग्णांपासून लागण झाल्याची शक्यता वर्तवण्यात येत आहे. 

यापूर्वी दोन 45 वर्षीय रुग्ण महिलांची कोरोनाची चाचणी पॉझिटिव्ह आली आहे. एक महिला रुग्ण समतानगर येथील, तर दुसरी भीमनगर, भावसिंगपुरा येथील आहे. त्यामुळे शहरातील रुग्णसंख्या 42 वर पोचली आहे, अशी माहिती जिल्हा रुग्णालयाचे डॉ. प्रदीप कुलकर्णी यांनी दिली.

HIVप्रमाणे कोरोनाचाही होतो का आरोग्यावर दूरगामी परिणाम - वाचा

समतानगर येथील रुग्णसंख्या सहावर

समतानगर हा भाग शहरातील कोरोनाचा हॉटस्पॉट ठरला असतानाच, भीमनगर भावसिंगपुरा येथील 76 वर्षीय महिलेचा मृत्यू झाला होता. या महिलेच्या मृत्यूनंतर लाळेच्या चाचणीचा अहवाल कोरोना पॉझिटिव्ह आला होता. तर त्या महिलेच्या अंत्यविधीला शंभरच्या आसपास लोकांनी गर्दी केली होती. या भागात रुग्णांची संख्या आता तीन झाली आहे. 

क्रिकेटपूर्वी सचिनने केलेय या चित्रपटात काम

औरंगाबाद कोरोना मिटर 

एकूण रुग्णसंख्या - 42
कोरोनामुळे मृत्यू - 05
उपचार घेत असलेले -15 रुग्ण 
बरे होऊन घरी गेलेले रुग्ण - 22