औरंगाबाद - ‘अतिथी देवो भव’ ही आपली संस्कृती. एरवी घरी पाहुणा आला म्हणजे किती आनंद, त्याची सरबराई करण्यात कोणतीही कसर ठेवली जात नाही. कोरोनामुळे हे चित्रच बदलून गेले आहे. शहरी भागात आमच्याकडे, आमच्या शेजाऱ्यांकडे पाहुणे आलेत. मात्र, ते आले कसे असा प्रश्‍न पडलेले नागरिक महापालिकेच्या नियंत्रण कक्षाला फोन करीत आहेत. त्यामुळे अतिथी देवो भव; मात्र सध्या नाही अशी परिस्थिती कोरोनामुळे निर्माण झाली आहे.
शहरातील लोकांनी कोरोनाचा चांगलाच धसका घेतला आहे. त्यामुळे शेजाऱ्यांवर बारकाईने लक्ष ठेवले जात आहे. कोरोनाचे संक्रमण टाळण्यासाठी लॉकडाउन करण्यात आले आहे. त्यामुळे नागरिकांना घराबाहेरही पडता येत नाही. घरातच बसून राहावे लागते. जिल्हाबंदी असल्याने एका जिल्ह्यातून दुसऱ्या जिल्ह्यात जाता येत नाही. तरीदेखील नागरिकांकडून नियम मोडला जात आहे. कोरोना विषाणूचा संसर्ग टाळण्यासाठी जिल्हाबंदी आदेश लागू असतानाही रोज हजारो नागरिक एका जिल्ह्यातून दुसऱ्या जिल्ह्यात व एका शहरातून दुसऱ्या शहरात ये - जा करीत आहेत.
औरंगाबादच्या इतर बातम्या वाचण्यासाठी - क्लिक करा
शहराच्या हद्दीत त्यांची स्क्रीनिंग होत आहे; परंतु जिल्ह्याच्या हद्दी प्रवेश करताना स्क्रीनिंग केले जात नसल्याने जिल्हाबंदी मोडणारे बिनदिक्कत ये-जा करीत आहेत. कोरोना विषाणू संसर्गाचा धोका लक्षात घेऊन महापालिकेने शहरातील नागरिकांसाठी २४ तास नियंत्रण कक्ष सुरू केले आहे. या नियंत्रण कक्षात फोन येताच संबंधित नागरिकांना तातडीने मदत केली जाते. सध्या नियंत्रण कक्षात शेजारी व परिसरात राहणाऱ्या नागरिकांवर अत्यंत बारकाईने लक्ष ठेवण्यात येत असल्याचे फोन येत आहे. पाहुणा आला की लोक सतर्क होत आहेत.
मराठवाड्याच्या इतर बातम्या वाचण्यासाठी - क्लिक करा
रविवार (ता.१९) सुटीचा दिवस असतानाही नियंत्रण कक्षात ‘‘साहेब, आमच्या शेजारी बुलढाणा, शिक्रापूर, पुणे, मुंबई येथून पाहुणे आले. या पाहुण्यांची कोरोना तपासणी करावी’, असे सांगणारे फोन महापालिकेच्या नियंत्रण कक्षाला येत आहेत. शिवाय हे पाहुणे शहरात नेमके कसे आले, पाहुण्यांचे नेमके काय काम आहे, अशी माहिती दिली जात आहे. संसारनगर, चेतनानगर, म्हाडा कॉलनी, मुकुंदवाडी, हर्सूल कोलठाणवाडी, काबरानगर या भागातून हे फोन आले. नियंत्रण कक्षातील कर्मचाऱ्यांनी ही माहिती प्रभागात नियुक्त करण्यात आलेल्या पथकाला कळवली असून, पथकातील कर्मचारी संबंधितांच्या घरी जाऊन चौकशी करीत आहेत.
महाराष्ट्रातील इतर बातम्या बाचण्यासाठी - क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.