अंबड - जालना जिल्हयातील अंबड तालुक्यातील पारनेर येथील सुभद्राबाई आसाराम खैरे या पासष्ट वर्षाच्या आजीबाई जालना-अंबड महामार्गावरील पारनेर पेट्रोल पंप येथे पिठाची गिरणी चालवत हाताला चार पैसे मिळविण्यासाठी संघर्ष करत आहे..सलग चौदा वर्षांपासून आजीबाई चालवितात पिठाची गिरणी -पारनेर पेट्रोल पंपावर गत चौदा वर्षांपासून सुभद्राबाई खैरे या पिठाची गिरणी चालवतात. तेरा वर्षांपूर्वी त्यांचे पती आसाराम खैरे यांचे निधन झाले. त्यानंतर सुभद्राबाई खैरे यांनी पतीने सूरू केलेला पिठाच्या गिरणीचा व्यवसाय बंद पडू न देता पुढे तसाच आजतागायत सूरू ठेवला आहे..सकाळी नऊ ते रात्री साडे सात वाजेपर्यंत सूरू असते पिठाची गिरणी -सुभद्राबाई खैरे यांनी आपल्या दैंनदिन कार्यक्रमांचे नियोजन करताना सकाळी नऊ ते रात्री साडे सात यावेळेत पिठाची गिरणी सूरू असते.पिठाच्या गिरणीत दळण दळण्यासाठी पारनेर पेट्रोल पंप, पारनेर, लालवाडीतांडा, लालवाडी, गोविंदपुरसह आदी ठिकाणांहून दळण दळण्यासाठी ग्रामस्थ मोठ्या प्रमाणात गर्दी करतात. सुभद्राबाई खैरे यावेळेत सेवा देतात. त्यामुळे ग्राहक समाधान व्यक्त करतात. सुभद्राबाई खैरे यांना अर्धांगवायू झाल्यानंतर त्यावर तात्काळ उपचार घेत पिठाच्या गिरणीचा व्यवसाय बंद पडू दिला नाही. हे विशेष आहे..प्रतिक्रीया -दिवसभरात साडे तीन क्विंटल दळण दळले जाते -महामार्गावर पिठाची गिरणी सूरू केल्याने ग्राहक मोठया प्रमाणात आहे. दिवसभरात साडे तीन क्विंटल दळण दळले जाते. पाच रूपये किलो प्रमाणे दळण दळून दिले जाते. प्रत्येक महिन्याला मीटरचे बील येते जवळपास सहा हजार रुपये येते. खर्च वजा जाता हाताला चार पैसे मिळतात. या वयात ओझे उचलता येत नसल्याने गावातील संगीता मगरे या महिलेला पिठाच्या गिरणीत रोजगार मिळवून दिला आहे. तीनशे रुपयांची रोजंदारी दिली जाते. पिठाची गिरणी चालवताना मनस्वी समाधान व आनंद मिळत आहे.- सुभद्राबाई खैरे, पारनेर, ता. अंबड.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
