वडिलांना किराणा सामान घेऊन जाणाऱ्या मुलाला भरधाव बसची धडक; बसचालक पसार

accident news
accident news

अंबड (जालना): सालदार वडिलांसाठी किराणा सामान घेऊन मोटरसायकलवर जात असताना अंबडकडून जालन्याच्या दिशेने जाणार्‍या भरधाव बसने जोरदार धडक दिल्याने झालेल्या अपघातात युवक गंभीर जखमी झाला आहे. हा अपघात झालेल्या तरुणाचे नाव संदिप (संजय) अरुण शिंदे (वय 17वर्षे) इंदेवाडी (ता.जालना ) असे आहे. सकाळी साडेनऊच्या सुमारास ही अपघाताची घटना घडली.

याविषयी अधिक माहिती अशी की, काही सामान घेऊन अंबडच्या दिशेने शेताकडे सदर युवक निघाला असता त्यास अंबडकडून जालन्याच्या दिशेने जाणार्‍या बीड अकोला या बसने(एम. एच 40 ए.क्यु - 6134) ने जोराची धडक दिल्याने मोटर सायकल (एम 21 ए - 7358) वरील संजय शिंदे यांच्या डोक्याला व पायाला गंभीर इजा झाल्याने तो जागेवरच बेशुद्ध पडला. बस चालक तेथून फरार झाला.

गंभीर जखमी युवकास तात्काळ मठपिंपळगाव येथील  जगदीश जिगे ,संदिप डावखर यांनी ग्रामस्थांच्या मदतीने गाडीत टाकून प्रथम जालना येथील सामान्य रुग्णालयात दाखल केले. परंतु तब्येत सिरीयस असल्याने नंतर खाजगी रुग्णालयात दाखल करण्यात आले. अपघातनंतर रस्त्यावर बघ्यांची मोठी गर्दी झाली होती. पोलिसांना या बाबत कळविण्यात आले होते.

(edited by- pramod sarawale)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com