Massive Crackdown in Bhoom: Authorities Seize 61 Sacks of Stored Milk Powder
esakal
-धनंजय शेटे
भूम : राज्यभर सुरू असलेल्या भेसळविरोधी विशेष मोहिमेअंतर्गत अन्न व औषध प्रशासनाने भूम शहरात मोठी कारवाई करत साठवून ठेवलेली १,१२५ किलो दूध पावडर जप्त केली. रविवारी (दि. ५) दुपारी झालेल्या या कारवाईत २५ किलो वजनाच्या ६१ गोण्या जप्त करण्यात आल्या असून, त्यांची अंदाजे किंमत २ लाख ११ हजार रुपये असल्याचे अधिकाऱ्यांनी सांगितले आहे. या प्रकरणी संबंधिताविरुद्ध कायदेशीर कारवाई करत गुन्हा दाखल करण्यात आला आहे.
