छत्रपती संभाजीनगर : डॉ. बाबासाहेब आंबेडकर मराठवाडा विद्यापीठाच्या कार्यक्षेत्रातील २३३ महाविद्यालयांनी नॅक मूल्यांकन न केल्यामुळे शैक्षणिक वर्ष २०२५-२६ साठी सर्व अभ्यासक्रमांतील प्रवेश शून्य करण्यात आले आहेत. म्हणजेच या महाविद्यालयांना विद्यार्थ्यांचे प्रवेश करता येणार नाहीत. आता महाविद्यालयांवर ‘ट्रिपल ए’ (शैक्षणिक व प्रशासकीय अंकेक्षण) ही दुसरी कसोटी जूनच्या पहिल्या आठवड्यात होणार आहे.