करमाड : जंगली प्राणी अचानक समोर आल्याने त्यास वाचविण्याच्या प्रयत्नात भरधाव मालवाहू ट्रेलर चालकाचे नियंत्रण सुटल्याने थेट तीस फूट उंचीवरून खाली कोसळला. ही घटना समृद्धी महामार्गव गुरुवारी (ता.१४) भाबंर्डा (ता. छत्रपती संभाजीनगर) येथे घडली. या घटनेत सुदैवाने चालक बचावला असून त्याला किरकोळ दुखापत झाली आहे.
करमाड पोलिसांनी दिलेल्या माहितीनुसार, मालवाहू ट्रेलर (एम.एच. ४६ एच. ४०२३) समृद्धी महामार्गाने मुंबईकडून जालनाच्या दिशेने जात असताना रात्री
एकच्या सुमारास महामार्ग क्रमांक ४०० येथे अचानक जंगली प्राणी समोर आला. चालकाने त्याला वाचविण्याच्या प्रयत्नात वाहनावरील नियंत्रण सुटल्याने मालवाहू ट्रेलर लोखंडी कठडे तोडून थेट तीस फूट खाली कोसळला.
यावेळी प्रसंगावधान राखून चालक किशोर हरिदास क्षीरसागर (वय ३७, रा. साई सिद्धी अपार्टमेंट, नवी मुंबई) याने बाहेर उडी घेतल्याने त्याचे प्राण वाचले. या घटनेत मालवाहू ट्रेलर लोखंडी कठडे तोडून खाली कोसळल्याने त्याचे खूप नुकसान झाले. सदर घटनेची माहिती मिळताच महामार्ग पोलीस घटनास्थळी दाखल झाले
होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
