डाटा चोरी प्रकरण: पुणे पोलिसांचा औरंगाबादेत छापा, आरोपीच्या घराची घेतली झडती

Data Breach
Data Breach

औरंगाबाद : बँकातील डॉरमंट अकाऊंटच्या (निष्क्रिय खाती) गोपीनीय माहितीचा डेटा लीक करून कोट्यवधी रुपयांची सायबर चोरी करण्याच्या प्रयत्नात असलेल्या मोठ्या टोळीचा पुणे पेालिसांनी पर्दाफाश केला. या प्रकरणात औरंगाबाद येथील राजेश शर्मा, परमजीत संधू आणि विशाल बोंद्रे अशा तीन जणांना अटक करण्यात आली. गुरुवारी (१८ मार्च) बालाजी नगर येथे राहणाऱ्या विशाल बोंद्रे याच्या घराची झडती पुणे पोलिसांनी घेतली.


औरंगाबादमधील एका चॅनेलचे संचालक राजेश शर्मा आणि परमजित संधू या दोघांसह विशाल बोंद्रे यालाही अटक करण्यात आली. याशिवाय याप्रकरणात एकूण ११ जणांना ताब्यात घेण्यात आले आहे. औरंगाबादेतील हे तिन्ही जण सदर डाटा घेऊन शहरातील एका व्यापाऱ्याला विक्री करणार होते. यासाठी राजेश शर्मा आणि परमजित संधू हे दोन्ही गेले होते. या प्रकरणात पुणे पोलिसांनी औरंगाबादसह गुजरात आणि इतर राज्यातून आरोपींना अटक केली आहे. यातील आठ आरोपींना २० मार्चपर्यंत पोलिस कोठडी ठोठावली असून गुरुवारी दोन जणांना कोर्टात सादर करण्यात आले आहे.


डाटा चोरी प्रकरणात औरंगाबादसह हैदराबाद, गुजरात, मुंबई आणि लातूरसह अन्य शहरांमध्येही छापे टाकण्यात आले. या प्रकरणातील औरंगाबादच्या तिन्ही जणांचा या प्रकरणातील सहभाग आणि त्यांची अन्य माहिती काढून घेण्यासाठी पुण्याहून १३ पथके रवाना करण्यात आली होती. गुरुवारी औरंगाबादला पोलिस उपनिरीक्षक गणेश पवार हे बालाजीनगर येथील विशाल बोंद्रे याच्या घरी गेले होते. त्या ठिकाणी काही महत्त्वाच्या कागदपत्रांचा तपास केल्याची माहिती पोलिस सूत्रांनी दिली.

संपादन - गणेश पिटेकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com