Beed Love Affair Case : बीड जिल्ह्यात पुन्हा एकदा आत्महत्येच्या घटनेमुळे खळबळ उडाली आहे. मांजरसुंबा तालुक्यातील एका तरुणाने प्रेमप्रकरणातून गळफास घेऊन आत्महत्या केल्याची धक्कादायक घटना समोर आली आहे..ही घटना धुळे–सोलापूर महामार्गालगत असलेल्या एका टायर पंक्चरच्या दुकानात घडली. या प्रकरणी नेकनूर पोलिस ठाण्यात (Neknoor Police Station) चार जणांविरोधात गुन्हा दाखल करण्यात आला आहे..मिळालेल्या माहितीनुसार, संबंधित तरुणाचे शेजारच्या गावातील एका तरुणीसोबत प्रेमसंबंध होते. कालांतराने हे संबंध अधिक घट्ट झाले. मात्र, या प्रकरणाची माहिती मुलीच्या कुटुंबीयांना मिळाल्यानंतर त्यांनी तरुणाला आपल्या गावात बोलावून घेतले..मुलीच्या बोलावण्यावरून तरुण तिच्या गावात गेला असता, मुलीच्या घरच्यांनी त्याच्याकडील मोबाईल व दुचाकी काढून घेतली. त्यानंतर चार जणांनी मिळून त्याला बेदम मारहाण केल्याचा आरोप आहे..MLA Vijay Shivtare : बापासाठी काळजाचा तुकडा सरसावला! आमदार शिवतारेंना लेकीने दान केली किडनी; बाप-लेकीच्या नात्याला महाराष्ट्र करतोय 'सलाम'.या घटनेनंतर तरुणाने एक सुसाईड नोट लिहून धुळे–सोलापूर महामार्गालगतच्या टायर पंक्चर दुकानात गळफास घेऊन आत्महत्या केली. आपल्या सुसाईड नोटमध्ये त्याने मुलीच्या घरच्यांवर गंभीर आरोप केले आहेत. “मला मारहाण करण्यात आली, गावात चोर म्हणून बदनाम केले आणि जीव घेण्याच्या धमक्या दिल्या,” असे त्याने नमूद केले आहे..Nashik Bribery Case : ZP च्या उपअभियंत्याला 3 लाखांची लाच घेताना पकडले; शाखा अभियंत्यानं मागितलेली दोन लाखांची लाच.दरम्यान, मृत तरुणाच्या आईनेही गंभीर आरोप करत धक्कादायक खुलासा केला आहे. “माझ्या मुलाला गावात बोलावून झाडाला बांधून मारहाण करण्यात आली. या मारहाणीचा व्हिडिओही काढण्यात आला,” असा दावा त्यांनी केला. तसेच, या प्रकरणातील दोषींवर कठोर कारवाई करण्याची मागणी त्यांनी केली आहे. पोलिस या घटनेचा अधिक तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
