"२३ वर्षीय मुलीला लॉजवर नेलं अन्..."; आरोपीस १२ तासात केलं जेरबंद

crime news:

बिडकीन येथील कंपनीत खासगी नोकरी करित असलेल्या चेंबुर, मुंबई येथील २३ वर्षीय मुलीवर लॉजवर नेत अत्याचार केल्याप्रकरणी बिडकिन पोलिस ठाणे येथे काल दि.१६ रोजी रात्री उशिरा ११ वाजे दरम्यान गुन्हा दाखल करण्यात आला आहे. आरोपीचे नाव दिपक प्रभाकर सरोसे,वय.२३ वर्षे.रा.भाजी मंडी,बिडकिन असे नाव आहे.

२३ वर्षीय मुलीने दिलेल्या फिर्यादीवरून दि.०६/०४/२०२४ रोजी रात्री ७:३० वाजेच्या सुमारास बिडकीन येथील एका लॉजवर नेऊन दोन वेळेस इच्छेविरुद्ध शारिरीक संभोग केला. त्यानंतर तिला चापट बुक्क्यांनी मारहाण करुन शिवीगाळ करत जीवे मारण्याची धमकी देण्यात आली. (crime news)

याप्रकरणी  बिडकीन पोलिस ठाणे येथे दिपक सरोसे यांच्याविरुद्ध कलम ३७६,३७६(२)एन,३२३,५०४,५०६ या कलमानुसार गुन्हा दाखल करण्यात आला असून आरोपी दिपक सरोसे हा फरार झाला होता.

आज दि.१७ रोजी  बिडकीन पोलिस व पिंक पथक यांच्या वतीने ताब्यात घेण्यात आले आहे. पुढील तपास पोलिस निरीक्षक प्रमोद पाटील यांच्या मार्गदर्शनाखाली सहायक पोलिस निरीक्षक जनाबाई सांगळे हे करत आहेत.