Chh. Sambhaji Nagar : सरकारने सुरू केलेल्या योजनेचा लाभ घ्या; डॉ. भागवत कराड

छत्रपती संभाजीनगर - सरकारी योजनांचा सर्वांनी लाभ घ्यावा. आयुष्मान भारत कार्डसह काढत कामगारांनी नोंदणी करावीत, असे आवाहन केंद्रीय अर्थराज्यमंत्री डॉ. भागवत कराड यांनी केले.

पंतप्रधान नरेंद्र मोदी सेवा पंधरवडा अंतर्गत आयुष्मान भारत कार्ड, आभा कार्ड, कामगार नोंदणी या कार्यक्रम घेण्यात येत आहे. यासह कार्यक्रमात दिव्यांग विकास आघाडीच्या जिल्हा कार्यालयाचे विष्णूनरात हा उद््घाटन केंद्रीय अर्थमंत्री डॉ. कराड यांच्या हस्ते झाले.

यावेळी भाजपचे पश्‍चिम मतदार संघाचे निवडणूक प्रमुख राजू शिंदे, जिल्हाध्यक्ष संजय खंबायते, दिलीप थोरात यांची प्रमुख उपस्थिती होती. डॉ. भागवत कराड म्हणाले, दिवसेंदिवस आजारांची तीव्रता वाढत चालली आहे. गोरगरीब लोकांना चांगल्या दवाखान्यात सुविधा पैशाअभावी मिळत नाहीत.

त्यामुळे केंद्र सरकारने या योजना सुरू केल्या आहेत. गंभीर आजारांवरील उपचारासाठी शासन गरजूंना आर्थिक मदत करत आहे. आज भाजप दिव्यांग विकास आघाडी कार्यालयाचे उद््घाटन करताना आनंद होत आहे. जिल्ह्यातील दिव्यांग बांधवांना आता शहरात कामानिमित्त कार्यालयीन सुविधा उपलब्ध झाली आहे. विविध योजनांची माहिती व पाठपुरावा केला जाईल. त्याकामी सर्व प्रकारची मदत केली जाईल, असे आश्‍वासनही डॉ. कराड यांनी केले.

यावेळी दिव्यांग आघाडीचे राज्य महामंत्री डॉ. भगवान चव्हाण, भाजप अनुसूचित जाती मोर्चाचे जालिंदर शेंडगे, शहर सचिव नंदू गवळी, विस्तारक महेश माळवतकर, ओबीसी मोर्चाचे आनंद वाघ, वॉर्ड अध्यक्ष सुरेश हिवाळे, भीष्म आव्हाड, परळीकर काका, श्रीपाद सातारकर, गणेश संगेकर, तसेच दिव्यांग आघाडीचे कन्नड तालुकाध्यक्ष मिलिंद जाधव, सिल्लोड तालुक्याचे अध्यक्ष नंदकिशोर सनांसे, गंगापूर तालुक्याचे उपाध्यक्ष खेडकर, शहर अध्यक्ष अरुण तुपे पाटील, उपाध्यक्ष श्रीराम फुकटे, संतोष जाधव आदीसह भाजपा पदाधिकारी, कार्यकर्ते मोठ्या संख्येने उपस्थित होते.