Chh. Sambhajinagar : दंगल प्रकरणी तरुणांची धरपकड बंद करा; 'जमियत उलेमा-ए-हिंद'ची मागणी

छत्रपती संभाजीनगर : किराडपुरा भागात रमजान महिन्यात तसेच राम नवमीच्या आदल्या रात्री झालेल्या दंगलीला ५० दिवस उलटुन गेले आहे. त्यात आतापर्यंत ७६ तरुणांना अटक करण्यात आली. हे अटकसत्र अद्यापही थांबले नसून काही तरुणांना अटक केली जात आहे.

या प्रकरणात निरापराध तरुणांना अटक करणे थांबवावे नसता आंदोलन करणार असल्याची माहिती जमियत उलेमा ए हिंद (अर्शद मदनी) यांच्यातर्फे शुक्रवार (ता.१९) रोजी पत्रकार परिषदेत देण्यात आली.

यावेळी ते म्हणाले, निरापराध तरुणांना अटक केली गेली असल्याने त्यांचे आयुष्य उद्धवस्त झाले आहे. आता यामध्ये काही तरुणांची नावे फक्त सुड उगविण्यासाठी सांगितली जात आहे. मात्र यामध्ये पोलिसांनी पुर्ण शहानिशा करुन अटक केली पाहिजे.

दरम्यान उपमुख्यमंत्री देवेंद्र फडणवीस यांची भेट घेऊन त्यांना माहिती देणार असल्याचं त्यांनी म्हटलं आहे. यावेळी लिगल सेलचे अध्यक्ष मुस्तफा खान, उपाध्यक्ष हाफीज इक्बाल अन्सारी, अॅड. शेख नवाब, अॅड. तौफीक अहेमद यांची उपस्थिती होती.