छत्रपती संभाजीनगर : शहराला पाणीपुरवठा करण्यासाठी फारोळा येथील २६ दशलक्ष लिटर प्रतिदिन क्षमतेच्या जलशुद्धीकरण केंद्राचे काम विहित वेळेत पूर्ण होणे अपेक्षित होते. परंतु, संबंधित कंत्राटदाराला दोनवेळा वाढीव मुदत दिल्यानंतरही त्याच्याकडून काम पूर्ण झाले नाही. सोमवारी (ता.३०) विभागीय आयुक्त जितेंद्र पापळकर यांनी घेतलेल्या आढावा बैठकीमध्ये परत एकदा या कंत्राटदाराने २० दिवसांची मुदतवाढ मागितली. त्यामुळे पुढच्या महिन्यातही वाढीव पाणी येण्याची शक्यता कमी आहे.