Chhatrapati Sambhajinagar Incident
esakal
छत्रपती संभाजीनगर: मोठा मुलगा अपघातात गेला. आता आधार होता तो लहान कुणालचा. त्याला लाडाकोडात वाढवलं. एवढे दिवस त्याचे सारे हट्ट पुरवले. पण हेच पोटचं लेकरू आज खवड्या डोंगरावर मृत्यूच्या अगदी काठावर उभं होतं. त्याला पाहून मातेचं काळीज थरथरलं! धीर एकवटून ती त्याला समजावत होती. हात जोडत होती. मी तुझ्या शब्दांचा मान राखला; आतातरी काही करू नको, तुझ्या पाया पडते, अशी हाक देत तिनं जमिनीवर डोकंही ठेवलं. ‘‘तुला वडील नको, तर दोघंच सोबत राहू, बघ मी मंगळसूत्र तोडते; पण तू मागं ये...
