कन्नड (औरंगाबाद): दीड महिन्याच्या बिबट्याच्या बछड्याच मृतदेह शनिवारी (ता.24) सायंकाळी शेतात आढळल्याने खळबळ उडाली आहे. याबाबत अधिक माहिती अशी की, तालुक्यातील बनशेंद्रा शिवारातील अरुण मोतिंगे यांच्या गट क्रमांक 262 मधील मालकी जमिनीत (24 एप्रिल) रोजी सायंकाळी सात वाजेच्या सुमारास दिड महिन्याच्या बिबट्याचा बछडा मृत अवस्थेत पडलेला बकरी चारणाऱ्यांना दिसला.
या घटनेबाबत बनशेंद्रा येथील सरपंच यांना माहिती दिली. नंतर सरपंच यांनी घटनेची माहिती वनपाल प्रविण कोळी यांना दिली. घटनेची माहिती मिळताच वनपाल प्रविण कोळी, वनरक्षक एम. ए. शेख , सह वनसेवक यांनी घटनास्थळी जाऊन पंचनामा केला व सदर मृत बछड्यास मक्रणपूर रोपवाटिकेत आण्यात आले.
नर बिबट्याने हल्ला केल्याने बछड्याचा मृत्यू झाला असावा असे वन अधिकारी यांनी सांगितले. रविवारी(ता.25)सकाळी साहाय्यक वनसंरक्षक सचिन शिंदे, मानद वन्यजीव रक्षक किशोर पाठक, कन्नड वनपरिक्षेत्र अधिकारी आप्पासाहेब पेहरकर, नागद वनपरिक्षेत्र अधिकारी आनंद गायके मानद यांच्या उपस्थितीत पशुवैद्यकीय अधिकारी डॉ. विजय इटावले, डॉ. डी. आर. चव्हाण यांनी या मृत बछड्याची तपासणी केली. मक्रणपूर रोपवाटिकेत त्या मृत बछड्यावर अंत्यसंस्कार करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
