औरंगाबाद : आठ दिवसात रुग्णसंख्या जाणार दोन हजारांवर! | Sakal
sakal

बोलून बातमी शोधा

ccc
औरंगाबाद : आठ दिवसात रुग्णसंख्या जाणार दोन हजारांवर!

औरंगाबाद : आठ दिवसात रुग्णसंख्या जाणार दोन हजारांवर!

औरंगाबाद : कोरोना संसर्गाच्या तिसऱ्या(third wave of corona) लाटेत येत्या आठ ते दहा दिवसात शहरात (aurnagabad corona update)किमान दोन हजार रुग्ण आढळून येतील. पण पहिल्या व दुसऱ्या लाटेप्रमाणे लॉकडाऊन नसेल. रुग्णांची वाढ लक्षात घेता अनेकांना घरीच उपचार घ्यावे लागतील. त्यामुळे ‘हर घर कोविड केअर सेंटर (covid care center)’ असेल, असा इशारा महापालिकेचे प्रशासक आस्तिककुमार पांडेय(astikkumar pandey) यांनी सोमवारी (ता. १०) दिला. शहरातील कोरोना संसर्गाबाबात सुरू असलेल्या उपाय-योजनांची माहिती देताना श्री. पांडेय म्हणाले, की सध्या वेगाने रुग्णसंख्या वाढत आहे. त्यामुळे तिसरी लाट येईल असे मानले जात आहे.

हेही वाचा: Aurangabad : भरधाव कार हाॅटेलमध्ये घुसली, दोन जण गंभीर जखमी

चार दिवसात दहाचे १८७ रुग्ण झाले आहेत. याच गतीने रुग्णांची संख्या वाढत राहिली तर येत्या आठ-दहा दिवसात दोन हजार रुग्ण आढळून येतील. रुग्णवाढ आणि त्या अनुषंगाने निर्माण होणारी परिस्थिती याबद्दलचे चित्र पुढील चार-पाच दिवसात स्पष्ट होईल. रुग्ण संख्या वाढत असली तरी दवाखान्यात दाखल होणाऱ्यांचे प्रमाण कमी आहे. गंभीर त्रास असलेल्या रुग्णांचे प्रमाण देखील कमी आहे. त्यामुळे रुग्णांना गृह विलगीकरणात ठेवण्याचे निर्देश शासनाने दिले आहेत. त्यानंतरही महापालिकेने कोविड केअर सेंटर्स सुरु करण्याचा निर्णय घेतला आहे. घरीच राहणाऱ्या रुग्णांच्या संपर्कातून इतर सदस्य देखील कोरोनाबाधित होऊ शकतात, पण त्यांना सौम्य लक्षणे असतील.

हेही वाचा: औरंगाबाद : शहराचा पॉझिटिव्हीटी रेट गेला ८.६३ टक्क्यांवर

निर्बंध पाळावेच लागतील

रुग्णांची संख्या झपाट्याने वाढेल पण पूर्वीच्या दोन लाटेसारखे लॉकडाऊन होणार नाही. निर्बंध मात्र हळहळू वाढविले जातील. शासनाचे नियम सर्वांनी पाळले तर रुग्ण संख्या वाढीचा आलेख रोखता येईल. त्यामुळे निर्बंध व नियम पाळण्याची जबाबदारी सर्वांचीच आहे, असे श्री. पांडेय म्हणाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top