छत्रपती संभाजीनगर : अहिल्यानगर येथून शहरात परीक्षेसाठी आलेल्या विद्यार्थ्याला परीक्षा केंद्रावर घेऊन जाताना लुटण्याच्या उद्देशाने रिक्षाचालकाने विद्यार्थ्यावर चाकू हल्ला केला होता. यात विद्यार्थ्याचा उपचारादरम्यान मृत्यू झाला. .याप्रकरणी आरोपी रिक्षाचालकाला पोलिसांनी अटक केली होती. याच प्रकरणातील रिक्षामालकालाही छावणी पोलिसांनी रविवारी (ता.१५) सायंकाळी अटक केली..सय्यद मझरोद्दीन सय्यद अलीमोद्दीन (वय ३० वर्षे, रा. राहुलनगर, गल्ली क्र. ३, रेल्वेस्थानक परिसर) असे त्याचे नाव आहे. आरोपी रिक्षाचालक मुज्जमील कुरेशी रफीक कुरेशी (२१, रा. सादातनगर) याला पोलिसांनी सात जूनला अटक केली आहे..Chh. Sambhaji Nagar News : तंत्रज्ञानामुळे शस्त्रक्रियेचा खर्च अधिक.आरोपी मुज्जमील याच्याकडे चालक परवाना नव्हता, तसेच त्याच्यावर यापूर्वी चोरीचे गुन्हेही दाखल होते, त्याची चारित्र्य पडताळणीही केली नव्हती इतकेच नव्हे तर तो नेहमी सोबत चाकू बाळगतो ही बाब रिक्षामालक सय्यद मझरोद्दीन याला माहिती होती..असे असतानाही त्याला रिक्षा चालवायला देऊन मझरोद्दीनने अप्रत्यक्षरीत्या गुन्हा करण्याचा प्रयत्न केल्याचा ठपका ठेवत मझरोद्दीनला पोलिसांनी बेड्या ठोकल्या. ही कारवाई सहायक निरीक्षक विवेक जाधव, उपनिरीक्षक संजय रोकडे, सिद्धार्थ थोरात, रवींद्र देशमुख, कैलास सोरमारे यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
