Rajkumar Khinvasara Passes Away: गरिबांच्या पोटी रोटी भरवणारे काका गेले; राजकुमार खिंवसरा यांचे निधन, रुग्ण, भुकेल्यांचा आधारवड हरपला!

छत्रपती संभाजीनगर: आजवर अक्षरशः लाखो भुकेल्यांच्या पोटाला अन्न देणारे, रुग्णसेवेलाच ईश्वरसेवा मानणारे ज्येष्ठ समाजसेवक राजकुमार भोजराज खिंवसरा (काका) यांचे सोमवारी (ता. १९) निधन झाले. ते ८२ वर्षांचे होते. त्यांच्या निधनाने शहराने रुग्णांचा, गरजूंचा आणि भुकेल्यांचा खरा आधारवड गमावला..प्रवाशांसाठी आनंदाची बातमी! पुण्यात ‘माण-विद्यापीठ चौक’ मेट्रो चाचणी यशस्वी; एकोणीस किलोमीटरचे काम पूर्ण, मार्चअखेरपर्यंत मार्ग होणार खुला...डॉ. हेडगेवार रुग्णालयातील असंख्य सामान्य रुग्ण आणि त्यांच्या नातेवाइकांसाठी खिंवसरा काका आधारस्तंभ होते. विशेषतः कोरोना काळात त्यांनी सुरू ठेवलेली निःस्वार्थ अन्नसेवा समाजसेवेचा कळस ठरली. एका रुग्णाच्या छोट्याशा गरजेतून सुरू झालेला हा अन्नयज्ञ मागील अनेक वर्षांपासून अखंडपणे सुरू होता..‘कोणीही उपाशी राहू नये’ या निर्धारातून सुरू झालेल्या या चळवळीतून आज दरोज तब्बल ८०० गरजू रुग्णांना मोफत, सकस भोजन दिले जात होते. डॉ. हेडगेवार रुग्णालयातील जनरल वॉर्डात उपचार घेणाऱ्या रुग्णांचे व नातेवाइकांचे हाल त्यांनी स्वतः डोळ्यांनी पाहिले. बाहेरगावाहून आलेले रुग्ण, वेळेवर जेवण न मिळणारी माणसे आणि पैशाअभावी उपाशी झोपणारे चेहरे पाहून त्यांनी तत्काळ निर्णय घेतला. .आता यापुढे कोणीही उपाशी राहणार नाही. या भावनेतून दुसऱ्याच दिवसापासून एक डबा घेऊन सुरू झालेली सेवा पुढे विशाल अन्नचळवळ बनली. याच सेवाभावातून त्यांनी जालना रोडवर १० रुपयांत पोटभर जेवण केंद्र, तसेच औरंगपुरा भागात स्पर्धा परीक्षेचा अभ्यास करणाऱ्या विद्यार्थ्यांसाठी अत्यल्प दरात दोन वेळच्या जेवणाची व्यवस्था उभी केली..MPSC Success Story: गटविकास अधिकाऱ्यांची एमपीएससीत यशस्वी झेप; सोनल शहांची जीएसटी असिस्टंट कमिशनरपदी निवड, नाेकरी करत यशाला गवसणी!.रक्तपेढीच्या उभारणीतही वाटाखिंवसरा तीन दशके डॉ. हेडगेवार रुग्णालयाच्या कार्याशी जोडले गेले होते. दत्ताजी भाले रक्तपेढीच्या उभारणीतही त्यांचा मोलाचा वाटा राहिला. अन्नदान चळवळीत रुग्णालय प्रशासनासह असंख्य दाते सहभागी झाले होते. अन्नधान्य, आर्थिक मदत आणि श्रमदानातून ही सेवा अधिक बळकट झाली. विशेष म्हणजे काल्डा कॉर्नर येथील स्वतःचे घर त्यांनी स्वयंपाकासाठी खुले करून दिले होते. त्यांच्या पश्चात पत्नी, राहुल व रतीश अशी दोन मुले, सुना व नातवंडे असा परिवार आहे. चंदनमल व कांतीलाल खिवंसरा यांचे ते बंधू होत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.