Major Lapse Exposed: Private Person Occupies Officer’s Seat at Registration Office
Sakal
छत्रपती संभाजीनगर: वेळ सकाळी अकराची. दुय्यम निबंधक सुटीवर होते. त्यांचा पदभार असलेला अधिकारीही आला नाही. त्यामुळे काम अडले. दस्त नोंदणीसाठी आलेले ताटकळले. त्यापैकी काहींनी थेट दुय्यम निबंधकाच्या दालनात घुसखोरी केली. गर्दीतून एकजण पुढे आला आणि ‘आज मी दुय्यम निबंधकांचा पदभार स्वीकारत आहे, ज्यांची सहमती आहे त्यांनी हात वर करा! कॉम्प्युटर ऑपरेटर कुठेय? चल रे, ये इकडे..’ असे म्हणत म्हणत खुर्चीत बस्तान मांडत कर्मचाऱ्यांना टाइपिंगचे आदेशही दिले. हा प्रकार घडला तो मंगळवारी (ता.२४) जिल्हाधिकारी कार्यालय परिसरातील दुय्यम निबंधक कार्यालयात. अबुलाला हाश्मी असे त्या व्यक्तीचे नाव आहे.